ياكثرهم لاقلت لك عرفة أوجيـه=وياقلهم لاقلت قـدر ... ومعـزه
رجلٍ تعزه بعـد ماتلتقـي فيـه=ورجلٍ قبل لاتلتقي به .. تعـزه
ورجلٍ ترزه بالمجالـس مبأديـه=ورجلٍ فلوسه بالمجالـس تـرزه
ورجلٍ ضعيف ويستفـزه معاديـه=ورجلٍ كلام عداه .. مايستفـزه
ورجلٍ يهزه بعض موقف ويشقيه=ورجلٍ ماهوب أيات موقف يهـزه
ورجلٍ تلزه يعترف لـك بخافيـه=ورجلٍ على خافيـه محـدٍ يلـزه
ورجلٍ يوزونه ويزعل بني أخيه=ورجلٍ يزعل من يحـاول يـوزه
ورجلٍ تكزه لازم أنـك توصيـه=ورجـلٍ بليـا ماتوصيـه ..كـزه
من لا فرش للمرجلـه ماتغطيـه=ومالايخز النـاس محـدٍ يخـزه
ان كانها عرفـه فهي عرفـة أوجيـه=ومن قال لك بالقلب قدر ومعـزه
هذي الأبيات الصحيحه طال عمرك