(هذه قصيدة جديده ل كديميس بن صالح العتيبي رداًعلى قصيدة سلطان المطيري0
وصلت رساله مرسلـه مـن زوينـاناللـي يعـادل مـن حـلايـاه مـيـه
مختلفـةٍ فيهـا المعـانـي والاوزانماهيب مـن عيـب الرسايـل نقيـه
اللخبطه فيها علـى اشكـال والـوانهـو عربجـي ورسالتـه عربجـيـه
عنده لسـان بـلا ضمـانٍ ولا امـانونفسه علـى هـزل الكـلام محديـه
لاهوب لا مبصـر ولاهـوب عميـانعنده بصـر ميـر البصيـره رديـه
ركب الجواد اللي بلا سـرج وعنـانولا فـاد كـود الهيـنـه والدنـيـه
الله يثبتنـا علـى اركـان الايـمـانلامن بعـض النـاس ركـب اردعيـه
ماني من يفتح علـى النـاس بيبـانلكـن ماتمـشـي عـلـي الخطـيـه
سـر ياقلـم واكتـب كتـابٍ بعنـوانوخـل المعـانـي كلـهـا معنـويـه
نبـي نبيـن للعـرب قـدر الامكـانحـتـى تبـيـن البيـنـه للبـريـه
وحتى نبيـن غلطـة فـلان وفـلانوالثالـث اللـي يـدعـي العبدلـيـه
ولا خير في قـولٍ علـى غيربرهـانبعـض العـرب سوالفـه بربـريـه
ياللي تبـي تنكـر مواقـف شحيمـاناللـي يعشـي الضيـف والاهلـيـه
ويثني عليه الطير والذيـب سرحـانكم طش لسبـاع الخلـى مـن مطيـه
ليتك حضرت مـع الجماعـه مسيـانحتـى تشـوف بعينـك المكرهيـيـه
وتشوف من لحق الجماعه على حصانوثنـى لربعـك ركبتـه فـي الثنيـه
وشتت شعبهم بيـن ميـت وندمـانواللي هـرب رجلـي وخلـى خويـه
وليتك نشدة عقوب عن كايـنٍ كـانيـوم الاثرماجـود والـنـار حـيـه
امـا بعـد قرنيـن يـا طيربـرمـانتـوك ورى التسعـه تقيـم القضيـه
لو القضيـه مـن تصانيـف كذبـانفطـن لهـا قبلـك رجـال الحمـيـه
فطن لها مـن قبـل قمزتـك طعـانيـوم انهـا لااهـل الحميـه طريـه
اما الكلام عـن المغـازي والاكـوانيـوم السرايـا بيـن روحـه وجيـه
منتـم مثـل قومـي ولنتـم برديـانالفـرق واضـح والـدلايـل جلـيـه
انتـم لكـم عـدات وعنـان وسنـانلـكـن حـنـا زايـديـن مـزيــه
حنا نعرف نجازي الاحسـان بحسـانوراع الطنـا نسقيـه كـاس المنيـه
عاداتنـا لامـن وجـه السنـه شـانيفـرح بنـا اللـي يابسـات شفيـه
اما عليه ديون مـن نـاس عـدوانولا تحـادتـه السنـيـن القصـيـه
يامن بنـا مـن كـل مطلـب وديـانونكف عنـه يديـن راعـي الدعيـه
بيوتنـا تقصـد لعانـي و ضيـفـانلامـن بعـض الـنـاس لاذ بلـويـه
ويوم العواني بيـن شاهـد ونكـرانوعظـام موتانـا تشـيـل العنـيـه
تـدي علـى راع القناطيـش ذيـدانالي حلـب فـي راس زبـن الونيـه
وان جا لدقـلات الكراديـس ميـدانواصبح حكمهـا السيـف والبندقيـه
نطب حومـات الوغـى بـم سيـلانوالسيـف سيـد معتـرك كـل هيـه
الحرمليـه يـوم سوقـات الاضعـانيوم اجتـوال الخيـل فـي الحرمليـه
عنـا تذريتـو بشـمـر وقحـطـانوفرسان حرب اهل الهجوم اضحويـه
قحطـان والقايـد محمـد حشيـفـانحالف مطير وحرب وايضـا السريـه
ومعكم بني سالم علـى بـن مضيـانوحـروب تحـت الرايـه السالمـيـه
وادخلت جمع مطير في ثوب صعـرانودعسان سمى مـن حضـر بطلحيـه
عن من حضر راجع مقلات دعسـانتسعـة فصايـل لـطـراد محسـيـه
ما بيـن صعـران ومابيـن جبـلانوبراعصـه والـعـزوه الواصلـيـه
والقايد الاعلـى علـى كـل الاركـانابـن جــراد وخطـتـه عبقـريـه
ابـن جـراد معمـدن مـن كحيـلانعنـده عليكـم يالثـلاثـه وصـيـه
لو المدى مطران وسيـوف مطـراناصبـح طققكـم مـن ورى الثامريـه
لكـن حالفكـم عليـنـا الفريـقـانوبـن رشيـد امـر عليكـم خـويـه
وحنا رفضنا طاعتـه سـر واعـلاناوامـر الذيـب الفـروس معصـيـه
حنا تحدينـا غضـب طيـر حـوراناللـي معـه بعـض القبايـل رعيـه
تـدراه شيخـان القبايـل والاعيـانومـن زاوره منهـم يقـدم هـديـه
وحنـا هداينـا ا لمشـوك وشامـانوســرد المهاروسـلـة النافعـيـه
خذنـا سنـيـن مانهزعـنـا ولا لانكلـن قناتـه فـي المعـارك قـويـه
وكنـا نريـد نواجهـه عنـد بـرزانلـكـن عاجلـنـا وجــر الغـزيـه
الضيغمـي جانـا بخيـلٍ وفـرسـانوجانـا يزعـزع نـوره الضيغمـيـه
وتم المواجـه بيـن شمـر وعتبـانتواجهـوا فـي سهـلـةٍ جرهـديـه
وشمـر تساندهـم قبايـل وعربـانوحنـا تساندنـا سـيـوفٍ محنـيـه
سيوفٍ تقص الروس من فوق الأمتانويسوقهـا عـزم القلـوب الجـريـه
وحمي الوطيس وجات روغات الاذهانوبـدل طويـل البـاع نيـه بنـيـه
لقى رجـالٍ فـي المهمـات شجعـانردوه بالسيـف الحـدب عـن نويـه
وقفت جموعه كنهـم جـول غـزلانمحـدن يلـد لصـوت راع الـرديـه
ولولا الله انقذهـم بطابـور قصمـانسـرت عليهـم سالفـه سرمـديـه
ورسايل ابـن عبيـد للشيـخ راكـانمـع ليـل فـوق الحـره العدملـيـه
يخبـره عـن ماجـرى يـم عـروانعن ماجـرى بيـن الاميـر وسميـه
ورسايـل العفـار لحـمـود تبـيـانردن عـلـى القصـيـده العنتـريـه
يقولـه يامـر وينـهـاك سبـهـانخلـك بـظـل الـرايـه الشمـريـه
لولا حسـن نـوخ بذربيـن الايمـانصـارت عليكـم معضـلات الرزيـه
حنـا نحايرنـا رجـالٍ لهـم شــاناللـي لهـم نجـد العريـض محميـه
اللي لهم في نجـد سلطـه وسلطـانومضيفهـم يوصـف بعيـد الضحيـه
بقعيس ينـدب عبدهـم كـل جيعـانمثـل الظمايـا فـوق جـال الركيـه
وانتـم مطيـر مسجلينـن بـديـوانمن ضمن من ياخذ عن اصله هويـه
لا عندكـم زوده ولا فيـه نقـصـانمـن ضمـن سكـان البـلاد العذيـه
امنٍ وامـان وخازيـن كـل شيطـانوكـل العلـوم المرمسـات مغطـيـه
مير البعض منكم معه طولـت لسـانصدورهـم بـأردى الكـلام محشيـه
ياللـي تكلـم بامتلاكـك لـلاوطـانوتمغط حـدودك مـن ورى العاذريـه
من راس مالك كثرة الحكـي خسـرانلو حط لـه فـي كـل جـون هبيـه
يوم المزاحـم عنـد حلـوات الالبـانوالصلـب والصـمـان والجندلـيـه
يـوم اختلـط عـج السبيـا بدخـانغادرتـو الديـره بنفسـن رضـيـه
جلع ضعنكـم مثـل طيـرن بجنحـانسـرى بتالـي الليـل تسمـع حتيـه
عنهـا تحدتكـم كراديـس عجـمـانوعـن النهـار اخترتـو الخرمسيـه
بالليـل غادرتوامـنـازل فنيـسـانصارت مساري الليـل فيكـم سجيـه
واصبح مجزل عندكـم تقـل بستـانوطويق وخشـوم الضواحـي حجيـه
وراكـان طرشلـه رسالـه لسلطـانيقـول خليـت الـطـوال الـرويـه
خليت عشب الصلب يومـي بـالاردانوحنـا توليـنـا علـيـه العشـيـه
نرعى مـن القرعـا لياجـو ساقـانومـن معـرج السوبـان للعوشزيـه
ودي عليك امسيـت ياذخـر وطبـانحتـى تجيكـم يالـدويـش معبـيـه
وقبر الصييفي قـد جعلتـوه مزبـانيـوم ارهقتكـم فزعتـن عامـريـه
مابيـن عجمـانٍ ومابيـن سبـعـانالكـل منهـم قـد وسمـكـم بكـيـه
والمعجزات العشر راحن خبـر كـانمامنهـن اللـي باقيـن لـه بقـيـه
مفعولهـن عنـد المهمـات مـابـانمافككـم مـن سلـبـت الدحملـيـه
بنت الامير اللي له انصـار واعـوانوالـزوج اميـر ومترفـه ومخبـيـه
تلة من الهودج ضحى مشـع الايمـانوصارت لمـن جـر الغزيـه سبيـه
قامـت تلفـت للجماعـه والاخـوانلـكـن ردتـكـم عليـهـا بطـيـه
وين اختفن العشر عن مطرق البـانمامنهـن اللـي فكـت العسوجـيـه
يازين ذلق الحكي مـن بيـن خـلانعلـى الصحـن والا علـى الشاذليـه
سوالفـن هـزلات ماهمـب بسمـانمن العشر سـوو قصتـن مسرحيـه
شتان بيـن الفعـل والقـول شتـانمحملكـم الشعـب السعـودي زريـه
ليـا صـار لخبارالمناويـخ مـيـزانصفحـت طرفكـم بالهزايـم غنـيـه
اما الوفا بالعهد في ماضـي الازمـانالكـم طريـقـه بالـوفـا شقلبـيـه
توفون وتغدرون في بعـض الاحيـاناخباركـم مابيـن حسـنـه وسـيـه
مثل العهـود السابقـه مـع صنيتـانلا هـيـب سـريـه ولا منجـويـه
قلتـو للميـدان يـنـزل حمـيـدانوالخيـل قـرح والـريـادي مـديـه
ويوم اختلط عج الرمك وادهم الـزانضاقت على المطـران نجـد الفضيـه
وقمتو تديـرون الروابـع بالاذهـانوكلـن شعـم نـاره بجنـب جعريـه
وغادرتو الميـدان مـن قبـل الاذانباللـيـل ذلــه بيـنـه لا خفـيـه
وحدرتـو القرنـه ضعايـن وسلفـانحتيـكـم كـنـه حـتـي بـرديــه
والاتفاق اللـي سبـق صـار مجـانطـرق النذالـه عنـدكـم منهجـيـه
حلفن حصل في جوعرجـا وجمـرانفي المعركـه خـان الوديـع ودعيـه
وشاعركم اللي يدعي شلـع الاسنـانوهذي مـن الهفـوات عنـده وزيـه
وهذا دليل انه مـن الغيـض مليـانولا له علـى فتـل الحجـج مقدريـه
عنده محدش ميـر ماصـاب نيشـانعـن الهـدف رصاصتـه جانبـيـه
وكـل الكـلام اللـي يقولـه هذيـانلانــه يعـانـي علـتـن داخلـيـه
والحاصل انه دب في صـورة انسـانتلعبـه اوهـام الامــل والحضـيـه
ودو هديفتكـم مصـحـات عـرفـانيشخـصـه بإشاعـتـن مقطعـيـه
امـا يصيـر انسـان والا حـيـوانعقـب تشخصـه اجهـزه مخبـريـه
قـدح شرارتهـا بضرمـه وصـواناللـي يحـط السـم فـي الزمزميـه
ويصبهـا لرجـال ماهمـب بـذهـانوده يسـوي فـي البـلـد طايفـيـه
كتاب الغلط واللي سعى فيـه غلطـانيحيـي عناصـر ميـت العنصـريـه
كتاب السناح اللي من الصدق عريـانولالـه بـكـل المجتـمـع قابلـيـه
ومساعده في طبـع الاوراق شيخـانالتكلفـه مـن كيـس راع القـريـه
اصبح لغلطة صاحبـه مثـل زومـانيشيلـهـا قـنـطـار والا وقـيــه
(منقووووووووله)