مسا الخير
عوده مع قصيد الشاعر العذب \ ناصر بن فالح الهاجري (إبدوي)
دوري بين الغنادير يمه عن هنوف = جادلٍ تو الزمن ماقطف عشرينها
نفس ذيك اللي يسمون كاملة الوصوف = لا مشت كنها تباها بحلو اسنينها
وان حكت كنها تتريق على بعض الحروف = وان تغنت قالوا ( ايوه ينصر دينها )
وان تبسم ثغرها كن كاسبك معروف = تهجمي كنها تماري العيون بزينها
وان عطت مجدولها الريح والليل الصفوف = انشدي عكش الهدب كم عدد غاوينها
وان تثنت لوح البرق في عرض القنوف = خيزرانٍ كنه يرشف رغدها لينها
لا عطت لا كنها العطف في قلبٍ رؤف = وان خذت ماردها إمن الحشا إلا إيدينها
طفلةٍ في فلسفتها يضيع الفيلسوف = مايمل القلب منها ولا تملينها
كنها رمحٍ نصبه التحدي للخشوف = لا قبلة لا كل عذرن تواري شينها
يابعد من واعدتني ولدتها الظروف = واستوى عندي خميس السنه واثنينها
ويابعد من طوقتني براحت الكفوف = لين ضاع العلم بين (إبدوي) وبينها
وسلامتكم