احبه وان ذكرته ضاعت بلاد ونسيـت بـلاد=ولادري عن مكاني وين انا ,, والناس ,, والديـره
كتبه الله لعمري (جرح) ولغيري كتبـه (مـراد) =وتذبحني ظنوني لاصحت بي (جمرة الغيـره)
يقول: انتي واقول: انت الغلا ياروح روح ابعاد=عليك الله وامانه وش يضف الدمع ويجيـره؟
دريت انه(لغيري)واقتنعـت ولابقـى مقعـاد=(تفارقنـا ويامكثـر غـلاه وكثـر تقصيـره)
خذا كل العمر واقفى (بلاعـذر وبـلا ميعـاد)=وانا قفيت (ما والله في قلبـي سكـن غيـره)
ااالله االله االله عليها
عزالله إنها من أجمل ماقريت من قصايد الشاعرات في عمري
قصيده فيها الأحساس طاغي وراقي .. وفيها إبداع يصعب علي اوصفه ..
,., دونت بلاي ,.,
صح الله لســانك ولسان المبدعه والرائعه / أبعــاد التركي
أتعب وأنا أشكرك على نقل القصيــده الوافيه والرائعه ..
ذوقك أجمل 
وعقب ذالقصيده بتلقاني قدامك والله يستر علينا من الأعاصير
لاهنت وبيّض الله وجهك يابو فهد
لك كل الأحترام والمحبه