يامرحبـا يـاروح قلبـي وريفـي=اقولها واثنـي التراحيـب واقـول
لا تحسبنـي عنـك معلـن نكيفـي=ولا تحسبني عنك دالـه ومشغـول
يا صاحبي والله لـو هـو بكيفـي=لا قعد معك يانور عيني على طول
ويصير مرباعي معـاك ومصيفـي=واخذ معك يالترف خمسة عشر حول
وأليا انتهـت جددتهـا يـا وليفـي=والـرزق عنـد الله للعبـد مكفـول
لا شك ضرف الوقت حمله كليفـي=يحدني وانا مـن الصبـر معـزول
منك ولجلك دمـع عينـي ذريفـي=ما شاقني غيرك من الناس مجمـول
يـا عيـن حـرٍ ماكـره بالمنيفـي=اشقر ندواي مخلبه يدمـي الجـول
ويا ذيل شقرا ما عسفهـا العسيفـي=اشقر تماريبه على المتـن مجـدول
والخـد بـراقٍ سـرا لـه رفيفـي=والخشم سيف مصقل الهند مسلـول
القلب عن غيـرك مصـدٍ معيفـي=ما لايعه بالحـب غيـرك ولا زول
قلبي على طاريك يرجـف رجيفـي=مثل الرعود وعاقب البرق هملـول
القلب يعشـق مـن جنابـه نظيفـي=قلبٍ سكنته عن هوى الغير مقفـول
في خاطري مالك شبيه ووصيفـي=انت الوحيد وما جرا منـك مقبـول
مشاعري خطار وانـت المضيفـي=والضيف دايم بالتراحيـب مشمـول
هاه وش رايكم