هذه القصيدة احدى روائع الشاعر : محمد بن جارالله السهلي اتمنى أن تحوز على اعجابكم
لاصرت بايعني أشوفك على خيـر=مـع السلامـه دام مابـه سلامـه
قلت : انتهينا قلت لك : خير= ياطيرماني بأول شخص يخسر غرامـه
محذرك من قبلهـا ألـف تحذيـر=لابعتنـي بيعيـف قلبـي هيامـه
ماني بميت لا ولا احتـاج تبريـر=صح الله لسانـك ووفـر كلامـه
بسمعك حبكه وفكـره وتصويـر=وافهـم عـدل يامدعـي بالفهامـه
وجه الشعر أبيض ويحتاج تغييـر=ودي تزيـن هالقصيـده علامـه
ماضيك الاسود بذكره دون تقصير=كذا يكـون بخـده الشعـر شامـه
يصدق معي تعبير ويخون تعبيـر=ياضيعة الشاعر بوقـت انسجامـه
يمكن خطأ أدونـك بالشعـر ميـر=لو مااحترمتـك للغـرام احترامـه
ماكان حبك غير بس طعنتك غيـر=علمتنـي معنـى النـدم والندامـه
ماجاك منـي أي زلـه وتقصيـر=كل ماخطيـت أعاتبـك بابتسامـه
حسبي على الذكرى اذا هبت عصير=ماعاد تنفـع شرهتـي والملامـه
البال ظامي وقتها والحـزن بيـر=خسرتك وهمي كسبـت اهتمامـه
والليل فـازع كـذا جانـي مغيـر=ظلمتني وأكثر ماظلمنـي ظلامـه
واليا عزم هالليل بضيقـه وتفكيـر=قل لي بربك كيـف بقـدر أنامـه
مافيه داعـي للعتـب والمعاذيـر=الغدر خال الجرح واطيب عمامـه
اما يجيب الله مطر تالـي وخيـر=ولا السلامه ماش مامـن سلامـه
__________________
هاه ذوووقي حلووووووو(وده تمدحونه)
__________________