ونعم بشمرونعم بعتيبة ولكن باختصارالحكم هنااااااااااااااااااااااااااااااااااااااااااااااا
قصيده لسلطان العضياني العتيبي بعد هزيمة كون البرقان على عتيبه
الا يالله طلبتك يامقـل الطيـر بالجنحـان+++مقله بالهواء يلفـح بزينـات الجناحينـا
كما انك قادرن تنجي من اللي ياخذ العربان+++اخو نوره محمد لاظهر بالحضـر ناصينـا
ألاياميـر تــوبه لك الله مـانطـرد السبـــهان +++عسـاك بالعـز وانـت اللتي تـزكـينـــا
الا لاعدت يايومن جرالي بأيمـن البرقـان+++اشوف البيرق الجاير عن الحلـه معدينـا
الا واشيب عيني من منازى الخيل بالتومان+++اذا قلت ادبرت خيلـن اذا خيلـن تناحينـا
خذونا في لهيب القيض لامزهب ولاصملان+++عسى ربن كتـب هـذا علينـا مايخلينـا
ذبح تركي ذبح متروك مع شبابة النيـران+++يحسبون الضياغم نجع صلاحـن تبارينـا
غدينا عقب ماحنا عرب نمشي مع السيدان+++على قطعة حميـرن يقـدع اولنـا لتالينـا
وهذي قصيدة ثانية لمخلد القثامي العتيبي
والله يالولا شيخ( ن) وطتنا زكاياه
________________ ماناخذ العمله من الحاربينـي
شيخ تجي له سبق الخيل مهداه
________________ ابن رشيد امـروع الغافلينـي
اليا مشى جمعه وذروات تبراه
________________ من كثرهم يا ارحم الراحميني
مثل الجراد اليا تقافت رحايـاه
________________ امسلطه ربي على الظالمينـي
من معارك ابن رشيد المشهوره هي (معركة عروى) وكانت في سنة 1301 تقريبا للهجره
محمد بن رشيد(المهاد)حاكم نجد ، وان هذه المعركه وقعة بسبب الشيخ عقاب بن شبنان بن حميد من شيوخ عتيبه ، فقتل عقاب بن شبنان في معركة ضد بن رشيد التي كسرفيها عتيبه وأخذ جميع حلالهم ، فهدد محمد بن هندي قبيلة شمر بالغزو على حائل لثأر ابن عمه ، فوصل الخبر الى محمد بن سعود بن فيصل آل سعود (غزالان) فذهب لتحريض إبن هندي و الوقوف معه ضد شمر وخوض معركة ساحقه للطرفين , الفارس محمد بن عبدالله الرشيد سمع بأنهم سوف يغزونه في أرضه إلا انه نوا غزوهم في عروى وتشتيت جمعهم , تجمعت فرسان قبيلة شمر وتجمع جيش القبيلة وذهبوا قاصدين عروى فصبحوا عتيبه اول صباح وكان ساحقاً لهم حتى استنجدوا في اليوم الثاني بغزالان إلا انهم لم يستردوا صباحهم وصبحهم باليوم الثاني والثالث حتى استمرت الى 41 صباح وفيها تصوب امير عتيبه محمد إبن هندي و سقوط محمد بن سعود ثلاث مرات من على جواده وبعد النصر العظيم لقبيلة شـمّـر قال الامير محمد العبدالله الرشيد قصيده موجهه الى الشيخ راكان بن حثلين امير العجمان انذاك وارسلت القصيده مع ليل الملتقم من شيوخ العجمان فأنشد قائلاً :
ياليل سلم لي على الشيخ راكان = سلم على زيزوم يامن واميرة
وقل فعلنا شافة حزام وفاران = يوم على عروى تقطع غثيرة
يوم ابن هندي نوانا ببرزان = حنا على عروى قصرنا مسيرة
واللي تمنى حربنا مع غزالان = ماحربنا باللي تمناة خيرة
والحرب مايحسب طراد بميدان = الحرب سل الصيرمي من جفيرة
هرج بلا فعل خراط بقيعان = وقول بلا فعل علينا معيرة
عاداتنا من مبطيٍ فرق الاقران = نفرق عشير عن ملامي عشيرة
واللي تمنا حربنا يم برزان = ناتية نقصر عنوتة عن مسيرة
وان كان هو من غارة العام زعلان = من الزعل والغيظ حنا نجيرة
برقطا لها مع فجة الصبح دندان = نتبع ملازيمة عقاب المغيرة
حصان الصميد اللي يسمى صنيتان = هرجة بلا فعل قليل البصيرة
اغواة عرضات الشيابين وفلان = وتجديعهم لهدومهم بالسعيرة
وقال الامير الفارس الصنديد حمود بن عبيد الرشيد بعد معركة عروى ويسندها لـ راكان بن حثلين
يا ناصرن موسى على قوم هامـان == تجعل من التقوى لنفسـي ذخيـرة
يا مل قلبن بيـن زودن ونقصـان == وسوالفن كافـن طويلـة قصيـرة
الحرب نبني له تقل وصف ضلعـان == ولا نستطير إن جاء مع الناس طيرة
بعنا بربحن يوم بعتـوا بخسـران == والبوق والافلاس صرتـوا محيـرة
بقتوا أجال الله بكم يا بن سلطـان == أخزاكم الله يا خبيث السريرة
الله حسيب اللي يبوقـون الايمـان == سبحان منهو مـا يغـادر صغيـرة
ثلاث مراتـن يبوقـون الاخـوان == وهاذي بوجهك شامتـن مستديـرة
صرتوا لعطبين التفافيـق نيشـان == وخليتـوا العطبـة يتخـم بعـيـرة
يوم اشتهيتوا حربنا مـع غـزالان == ماحربنا للي بغـى الحـرب خيـرة
اغداه رقصـات الشيابيـن بـوران == وتجديعهـم علقانهـم بالسعـيـرة
وإن كان ابن هندي نوانـا بـرزان == فحنا على عروى قصرنـا مسيـرة
من الجبل جينا علـى كـل مقـران == شهرين والثالـث ربحنـا وزيـرة
هذا جزا من باعنا بـردا الأثمـان == للطيـر خلينـاه بهـاك الجـريـرة
حنا هل الطولات كسابت الاوطـان == لـولا طعـنـا ماسكـنـا بـديـرة
عاداتنا من مقدمن فـرق الاقـران == يا ما فرقنا عن عشيـرن عشيـرة
نتلي شبوب الحرب مسطور الاكوان == لحمر مـن عـود البلنـزا طريـرة
دنولهـا الموتـا دروبـن وميـدان == ومحمـد عـدوا وراهـم بسـيـرة
من عادته مع الاجاويـد الاحسـان == لا جـاه بدايـن لفـابـة بخـيـرة
عساه عزن يشربه كـل عطشـان == محاسنـة مــا تنـعـدد كثـيـرة
قلتة وانا مانـا بهرجـات ديـوان == قولـن بـلا فعلـن علينـا معيـرة
احصان الضيط الي يسمى صنيتـان == زولـن بـلا فعلـن علـوم كبيـرة
إن شيش بالعرضة إلى تقل سكران == يفزع بسيفة وسلتن مـن جفيـرة
وإن حل ضرب مخلصن مثل ماكان == ما ينجهر غاد الجـدا عـن منيـرة
يوم اشتهيتو حربنا مـع غـزالان == ما حربنا للي نوى الحـرب خيـره
فن كان هو عن غارة العام زعلان == عن ضيقت الخاطر ترانـا نجيـرة
برقا لها مع فجت الفجر عنـوان == تفهق ملازيمـة عقـاب المغيـرة
جينا على وضح النقى عقب الاذان == وذبحـت قـواد الجمـل بالمريـرة
جينا على ذروات عجلات الأقـران == مستجنبينـن كـل قبـا ظهـيـرة
من مات له منهم حريمـن وغـدان == ما فيلعـن لأبـن هنـدي حشيـرة
جاب العتيبيات مـن جـو سقمـان == لكرامتـن بالعـون ماطـار طيـرة
سقف عليهم بشنق العرض دخـان == وخلوا محارمهم بعـروى حظيـرة
اللي سلم منهـم شتاتـن ونجـران == واللي ذبح للنار وبيـس المصيـرة
يالليل انا بوصيك وان جيت راكـان == سلم علـى زيـزوم يـام ٍ واميـرة
قل افعالنا شافـه حزامـن وفـاران == وان كان ابو فـلاح منـا بشيـرة
اليوم صاروا بالعرب تقـل جيـران == ومنين مـا وجهـة قفـوا نشيـرة
واذكر لهم بالكون طيحت غـزالان == ثـلاث مراتـن بوجـه المغـيـرة
يومن حضرنا فيه لليـلٍ وفـوران == يوم ٍ على عـروى تقطـع غثيـرة
وهذه القصيدة قيلت قبل الحرب
يقال ان هذه القصيده قالها أحد شعراء شمر في مجلس الأمير محمد العبدالله الرشيد وكان محمد بن هندي موجوداً في المجلس يقال انه سمع بأن جيش بن رشيد سيقاتله في عروى ذهب لكي يصلح الامر ومعه من هدايا إلا انه رجع خائباً
قلـت آه بسـم الله وابديـت وارده == من صخر قيفان وانا من قبل هايبـه
الأمثال الى منـي تعاوجـت ركنـه == اعدِّل عِصيان المثـل عـن عتايبـه
كمى ذود مصـلاح ماشيـف رتعـه == تعقّب لـه القِعـده تَنسّـف جنايبـه
قلته بعقبان علـى الصـوب والقـدا == عقبـان هيـف ماتدانـى جوانبـه
عقبان عقّبن العتيبـي علـى القفـا == عقّبن عقبان الحسـا عـن مراقبـه
فروخ حرار ضربهن يرعـب العـدا == فري البواتيع ضربها مـن مجاذبـه
طلـع محمـد ماحكـم نجـد مثلـه == لا بـاول الدنيـا ولا كـان غايبـه
يقود المـلا قـود السبايـا وجـره == على دار من قاله على الربع خايبـه
قـوم يفهِّقـهـم وقــوم يلحـقـه == وقوم يقلِّط وسطهـا عـن ذوايبـه
تبيد الحذاء ياحمود من قاسي الحصى == وتمل مـن سـود الفيافـي نجايبـه
مـن كثـر مادلّـن وكلّـن وملّـن == وبيّحن مشكاة الدّبر مـن غواربـه
يتلون رقبة المارعي ميتـم الضنـا == طلق اليمين اللي وسـاع مضاربـه
حـرٍ يخلـط الريـش للـدم للحـم == هـذي معثبرهـا وهـذي قاضـبـه
يمنـاك يمنـى هيلـعٍ مطلـقٍ لـه == على فرز قفرٍ لبّـدت مـن رعايبـه
دار الـفـتـى روا الــعــذارى == متلقِّـي البلـوى مهـدِّي صعايبـه
كـم قريـة هـازه ورازه وفكفكـه == شاعت وشبّينـاه والنفـس طايبـه
شبِّيناه من حصـن الشيـوخ علـوّه == زعلوّة من لا له مع الخيـل هازبـه
إهتزّت الجـدران والـدور والنخـل == وتقول تلفي من عقب مافات تايبـه
عوق الفرج تف كفي وانا اخو نوره == الى ما وقع منهـا ولدهـا وشايبـه
داب عدى من عالي مراقيه قنيصـه == جاذب ونين الذيـل والـروح ذايبـه
بيدي عـدوك قاسـي هـم قاسـي == وبيدي ربعك كالناديه مـن رطايبـه
ياما هشنا دونـك بالبيـان والخفـا == نهوش لو عيني طخا النـوم غالبـه
يامير الأجناب لا يغديك كثر جمعهـم == يامير لا تغديـك سكبـة شواربـه
يامير لولا السيف والحكـم كضّهـم == وذلّوا على عـالات تقفّـى محالبـه
يشوونـك بجمـرٍ مـن الغـضـى == شويّـة عجـلٍ وبالـنـار يقالـبـه
شمّر جناحٍ لـك الـى هبّـه الهـوا == الى ذعذعـت للشيـخ ذري هبايبـه
وشمّر كمـى ذيابـة فـوق ضمّـر == الى جِلْت جَلَت مع مجالـك عرايبـه
وفي النهايه أشكر القائمين على المنتدى الرائع وأنا والله ماجيت هنا أعدد مفاخر الرشيد ولاهم بحاجة شهادتي إلا إني رآيت في البعض يحرف ويزور الحقائق لأهواء قبيلية لكن التاريخ يبقى والادله موجوده عند المعنيين
شكرا لكم