دامك اهديتنا ياعاشق العليا بهديك
وبهدي الاخوان هذي القصيدة اللي واللة ماعرف شاعرها
بس الوكاد ان ؤاسة طيب
ماحن نخطي ولا نقبل خطا وان زاعنا الديان
نوقف لة على وضح النقا ماحن نغبيها
وشيمتنا مهي ترضا لنا بالزور والبهتان
اهل صدق المواقف والعوادي ذي مباديها
قبيلة يام هم يام المواقف والزمن برهان
وحنا يام يام الحلم والوقفة لاهاليها
والا منا تعلينا على عوص النظا شجعان
قطعنا فرجة(ن) ماكل قطاع(ن) بياتيها
وقفنا وقفة(ن) ما وقفوها الترك والا لمان
وسوينا سوايا ماحدن يقدر يسويها
كسرنا جيش لايكسرة لا الجني ولا الانسان
الين نحاكم الديرة نطق اللي يقاويها
نبركها على صم الصفا ثم ترغي الحيران
وتعاطف ذودنا لامن طمرنا في تواليها
عزاوينا ليا ثار الغسام تجري الذلان
عسى اللي ماتثور تثور لي ثارت براعيها
ويلين لنا الحديد اللي لغير جدودنا مالان
ويضرب جمعنا جمع العدو الين يفنيها
حكمنا اربع مية عام من الباحة الين عمان
ومن وادي الدواسر لليمن والرب حاميها
ولا يمشي بها غير المسير والعدو يهان
ومن يطمع يبي خلفاتنا جعلة فداويها
وما زلنا على الحد السعودي للوفا عنوان
كما السور المثبت دونها والروس تفديها
وحنا يوم جانا صايح من ربعنا العجمان
فضينا دولة ابن سعود والتاريخ يمليها
مشينا في شهر من دارنا لي ديرة العدوان
وصبحناش يالدرعية ونادى مناديها
الين استسلم ابن سعود واهدى واذكر الرحمان
وعاهدنا على وضح النقا ماحن نلويها
وفينا بالعهد يوم ان غيرنا يوم عاهد خان
الا يارب يا رحمن تستر من بواقيها
وهذي من عوايدنا وسلم جدودنا الظفران
تواريخ تخلد مالبيب العقل يعميها
الا منا عرفنا اللاش قلنا يقتل الجبان
والا شفنا الشجاع نقول بنتة ينخطب فيها
وكلن يفتخر في لابتة ولكل قوم شان
وحنا للدول تشكي ليا قمنا نصاليها
من اخطى نخزمة ونحط من فوق الخزام عنان
تقبل تحياتي| البليهي