ياقصيدي قم نخيتك سطّر أبيـاتٍ جزيلـه = علّها توفي جمايل صاحب النفـس الأبيـه
صارم شهم شجاع وشيخ من راس القبيلة = ذيب من صلب الذيابة شامخ يحمى الحميّة
الكرم طبعه وفنّه قرم مايرضـى الهزيلـه = باسمعه وأطيع أمره دام انا ماعشت حيّـه
ان طلبتـه أي حاجـه واجـده والا قليلـه = جابها لي مايخالـف جابهـا مثـل الهديّـه
والله ان ابوي فخري مستحيل أوصل جميله = ليتني أقدر أعيضـه راس مالـي ومالديّـه
ان بغيتوا صدق والله ما رأت عيني مثيلـه = تاج راسي فدوته عمري وماتملـك يديّـه
مستحيل أوفيه حقه لو فعلـت المستحيلـه = ودي أكتب لين ينشف حبري ويوقف عليّه
لكن والله ثم والله تقولهـا بنـت اصيلـه = لحفظ البيت وأصونه وأصبح البنت الوفيّـه
لبّـا والله ماتعلّـق منـك ياولـد الكحيلـه = استرح ريّح ضميرك بنتـك ونعـم البنيّـه
......................
الشاعر اللي مرسـلٍ لـي قصيـده = مآيدري اني ماعـرف الـف وادور
على جناح الطيـر يرسـل بريـده = وانا على عاده ومذهـب ودستـور
مآقدر اجاري قصـده الـي يريـده = ولاني على كيفه بمآقـآل مجبـور
حره انا ماني من اطـرف عبيـده = امشي على كيفي ودربي على نـور
على المآسنجر بالاضافـه زهيـده = مآحط عندي طاقم رجـال طآبـور
بالله من عرفـه وش الـي افيـده = غير الغلط من دون تفكير وشعـور
لاويتشـره والرسـايـل عـديـده = يقول ماترسل ولا انتـه بمسـرور
انـا عنيـده اشهـد انـي عنيـده = وابوي رباني على طيـب وطهـور
ماني من الـي بالتعـارف سعيـده = يضحك عليها النذل بالكذب والزور
انا تـرى بنـت الرجـال الشديـده = مارضى بعيش البغي والظلم والجور
عقلي براسي واخـذ الـي اريـده = واللي زعل ماهز شعـره بهالكـور
دربي شرف واحيـا حيـاة حميـده = واعيش في جوٍ من الطهر مغمـور
في العقل والزيـن وصفـي فريـده = لاجيت بين البيض كني من الحـور
حيـاي كاسينـي وربـي يـزيـده = عيب علي لايمكن لطهـري ابـور
ابوي شيخ الطيب والجـود بايـده = شيخ حكيم يبـدي الـراي ويشـور
وان كنت شاعر والك مـده مديـده = تكتب ولك بين المحبيـن جمهـور
بتشوف اسمي صار وسط الجريـده =اصير مشهوره مثل مانت مشهـور
روح تـرا مانـي بقربـك مزيـده = فآرق وتلقى غيرنا وانت مستـوور
مــشـــاعــر حـالـمـــه
من يقرأ قصائد مشاعر حالمه يقطع الشك باليقين بأنه أمام شاعرة مرهفة تهز قارئها من الأعماق.
الصدق في التعبير، وبسالة البوح، وعمق المكاشفة هو الذي دفع بالشاعرة مشاعر حالمه إلي واجهة الاهتمام ودائرة الضوء التي تستحقها عن جدارة.
فأهلاً بك في تحت المجهر الذي اكتشفنا من خلاله الكثير من هذه الشخصيه الشاعرية
وللقديرة اطياف الماضي الشكر على ما تقوم به
وهذه اسئلتي شاكر اجوبتك عليها مقدماً
*هل لك أن تتحدثي لنا عن المصادر التي صنعت منك شاعرة؟
* كيف تشكلت العلاقة الجنينية بينك وبين النص الشعري تحديداً؟
* وهل تفجرّت موهبتك الشعرية بفعل القراءات المبكرة، أم بفعل ضغط تجربتك الحياتية، أم أن هناك دوافع مبهمة لم تتلمسي الطريق إليها حتي الآن؟
* ما رأيك بما قاله أبو الحيان التوحيدي بأن (أغرب الغرباء من صار غريباً في وطنه)
هل تعانين من اغتراب روحي أم من غربة مكانية أم أنها غربة وجودية وهي أشد وطأة من الغربتين السابقتين؟
* هل وصلت مشاعر حالمه الى قصيدة العمر ؟
* لماذا لا تتبنين قصيدة النثر، وتنقطعين إليها بعيداً عن الأشكال الشعرية المطروقة التي يقيّد حركتها الوزن والقافية؟
* من الطبيعي ان الناس مختلفين في كل شئ بالأطباع
ودي اسئلك عن رايك بالشخصيات الاتيه:
-الشخص المنعزل بنفسه
-الشخص المتشائم من الدنيا
-الشخص المتفاؤل بالدنيا
* ما رايك بالمقوله التي تقول:
((الانترنت يولد في الانسان العزله الذاتيه))
((الطيبه الزائده تقتل صاحبها))
* ما رأيك الشخصي بالقضايا التاليه:
- الفضائيات العربية المهتمه بالغناء
- وقت الفراغ
* هل هناك من غاص، وتعمّق، وحلّل بنية نصوصك الشعرية بعيداً عن مناسبتها؟ وما هو رأيه؟
* قصيدة لم تكتمل كتبتها الشاعرة مشاعر حالمه ما هي وما اسباب عدم اكتمالها؟ وودنا ببعض الابيات منها ان كان هناك قصيدة منك لم تكتمل ؟
* كلمة أخيرة لمن توجهينها ؟
ولك عاطر التحايا