قد قال لي سلطان شقر الجدايـل= راعي المحبه يا ابن الاجـواد مذلـول
لا تحسب ان الهم في القرب زايل=اخاف مـن هـمٍ تشيله علـى طـول
ترى الهوى ماريتّـه و الدلايـل=دمعٍ يهـل و خاطـرٍ دوم مشغـول
والحب ماهو بالحيل و التحايـل=ما للخلايـق فيـه قـوه و لاحـول
جف القلم يـا ناقليـن الرسايـل=وطيف الغضي جاني معا الليل مرسول
والعاذليـن ايعقـدون المسايـل=و احباب قلبي ما استمع فيهم القـول
واللي جرح قلبي و عيني تخايل=ابا اعشقه لـو قالـوا الناس مهبـول
خلّي سمي الرايحـات الهمايـل=مزيون باسم و جسم معنى ومدلـول
أشعلت له باقصى حشاي الذبايل=يوم انطفت شمعة هـوى كل مجمـول
ونجل العيون الداعجات الكحايل=يوم الوداع ارخت علي حدمصقـول
والليل الاظلم و النجوم الشعايـل=صارت تغيا لي خلاخيل وحجـول
اخشى تموت ورود جر المسايل=اذا تـحـدر وادي العرض بسـيـول
انا الذي حبيت وافي الخصايـل=وانا الذي عن كل ما صارمسـؤول
حبيت منقوش الكفوف النحايـل=حب النقى يـا عاذلـي ويش بتقـول
معذور يوم الفت فيـه المثايـل =ابـو دليـقٍ فـوق الامتان مجـدول
الشاعر / مهذل مهدي الصقور اليامي
وادي العرض :- يقصد به وادي نجران