[ذلول حزام]

يا هل الوانيت اللي مشيتو امسيان= تريضوا بالله جملة ثواني
خلوني ابدي ماطرالي ومابان=من هاجس وسط صدري حداني
وردو سلامي قاصد فيه راكان=راكان بن خالد عريب الجاني
جتنا علومه من بعيدات الاوطان=وحقه بياض الوجه عند العواني
شيخ يباشرهم ولا خاطره شان= في مجلس منصى لقاصي وداني
ومن عقبها افطاح حيل وخرفان=مقلطات في كبار الصواني
وطيبه مورث من خوال وجدان=متعبينه طايلين اليماني
ابوه خالد مشبع كل جيعان= وجده محمد قاطع صيرماني
وسميه اللي راجح بكل ميزان= ابو فلاح مكمل بالمعاني
تشهد له الاتراك في كل ميدان= ومن نجد تشهد له لساحل عماني
والخال(( ماضي)) لا ذكرنا كحيلان= تشهد له الاجناب عقب قحطاني

*(((الشيخ ماضي بن علي ال عايد الهاجري))

ركن من اركان القبيله بليهان=مواقفه تبقى ولو كان فاني
وهذي الحقيقه مانبي زود برهان= مشاعر ترجمتها من لساني
وصلو على المختار من نسل عدنان= اعداد من صلى وصام رمضاني

وسلامتكم
الشاعر حمد المطبوخ الكلبه الهاجري