وردة العجمان هلا والله وغلا وعليكم السلام ورحمة الله وبركاته مشاعر حالمة هنا بشحمها ولحمها هع يامرحبا يامرحبا مرحبا فيج اكثر فديتج نورتي المجهر يالغلا منّور فيج ياقلبي والشكر لأطياف الماضي والاستاذ القدير/ الباشا على اختيارهم الجميل والموفق،، يلاا نبتدي الأسئلة: اتفضلي متى بدأتي كتابة الشعر؟؟ ومن شجعك وانتبه لموهبتك؟؟ بدأته وانا عمري 14 وكنت اكتبه من وحي واقع حبي لجدتي ام ابوي كانت هي اللي تشجعني ولو اقولج شي يمكن تضحكين منه ^_* كانت جدتي الله يرحمها تقول يابنتي ترى من أكل لسان الخروف صار شاعر عاد انا احسبها تمزح او انها خرافات بس والله من يومها احس الساني يهذر شعر مره موزون ومره ثقيل ومره كنّه وجهي.. وجدتي كانت شاعره بس للأسف ماكان شعرها يظهر لأحد من شدة حياها .. ومن عقبها صار ابوي يعلّق على ابياتي ويقول : مابعد صرتي شاعره انتي عادج رضيعة شعر والحمد لله الحين كل ماأقول قصيده لازم ألقيها عليه لان رآي المستمع عندي لها مكانتها شاعرك المفضل؟؟ مافيه شاعر معيّن لكن راح اقول الأمير ( خالد الفيصل ) لروعة شعره .. وحامد زيد لشموخ أبياته --- ضيدان بن قضعان -- عوض نفّاع -- خلف المشعان رأيك في برنامج شاعر المليون؟؟ راائع قليلة في حقه بيت شعر ترددينه دائما؟؟ ما دمت اجي ولا يحسبولي حساب حرمت اروح اذا يبوني يجوني اقرب قصيدة أو بيت شعر كتبتيه الى نفس مشاعر حالمة؟؟ بصراحه قصائدي كلها قريبه لنفسي وأكثر شي قصيدة ( الهام القصيد ) طموحك في الحياة؟؟ ودي اصير شاعرة اطفال الأقصى مادري احس اني اقدر اكتب ديوان كامل علشان هالأطفال شجعان ماشاء الله لكن احس انه يضيع التعبير اذا شفت مواقفهم مع اليهود ..لانهم غلبوا حتى الشعر بقوة ايمانهم وصمودهم واطمح ان اكون سيّدة أعمال( بزنس وومن ) <== هالحلم من يومني صغيره وانا اقوله .. طموحي بعد ان اكون بلبل في اللغات ( E.. فخانسي..اوردو ... ) حكمة تؤمنين بها؟؟ حكمه قديمه وهي ( مايحكّ ظهرك الا ظفرك ) واكيد تهدف الى معاني كثيره. وحكمه أخرى راائعه جدا لسان العاقل وراء قلبه ، و قلب الاحمق وراء لسانه وبس يالغلا وسامحيني مسموحه فديت عمرج وعساني ماثقلت عليش بالأسئلة لا والله أبد خفيفه مثل روحج وتمنياتي لكي بالتوفيق وطول العمر والصحة والعافية وتمنياتي لج بالسلامه طول عمرج ..وحياج ربي .. تحيتي
__________________ تقوى الهجر . . :"": ":" ما نجبره من عافنا ماينجبر . . :"": ":" لا تعتذر :"": ":" :":":":":":