[quote=خـرابـيــط قـلــبـي]رســـــــالــــــــه
خليلي قفالي لوثواني=أنا وحدي تعالا كلمــــاني
فحزني لوعلمتم شق صدري=ســأبكي وأنتما لاتبكياني
أقدم قبل بيت الشعر عذراً=فرأسي قال هذا الشأن شاني
فإن ظلت خطاي الدرب ميلاً=فعـودا واقعدالاتتبعاني
بغيت أكتم شعوري بالحنايا=ولكن قافكم غصباً حداني
وأنا والله بي غيره عليكم=خوالي ثم خوالي والعواني
ورحت أكتب وأعيد اللي كتبته=كأني بالدراسه وامتحاني
رأيت الناس أجناساً ولكن=قريب الناس من أمره عناني
ولوصارت حمايا في حمايا=سأعطي وأنتما لاتعطياني
صحيح أحب ربعي وأتفاخر=ولكن كل شي له أواني
وترى الأطلال ماتشفع لأهلها=ولاتنفع قديمات المباني
ولن يبقى من الأحوال حالٌ=فلا نُخدع بلحظات التهاني
ولايغفل عن الدنيا حكيمٌ=أرى في الأفق بعض الغيم داني
خذا عني وصيه واحفظاها=ترى السمعه تساوت بالكياني
وأقول أمشوا على دربٍ رسمته=ركاده ثم ركاده واتزاني
وأنا مخلص وصادق بالنصيحه=حمية حب واخلاص وتفاني
نعم وأنتم لكم سبق المكانه=تبوأتم بهـــا دون امتنــــاني
فطول النص لايعني فضيله=وقصر النص ماهوب انقصاني
فلوطالت وطالت ثم صارت=حشو كلمات وأسماء ونواني
فهذا هرج والهرج ان تزايد=تزيد اخطاك يا ابن المودماني
ثمين الهرج يغني عن كثيره=وتكفي عن هزيلاته سماني
رساله وافهما قصد الرساله=كثير المدح ذمٌ صدقاني
نعم للمدح في راعي جميله=نعم رد الحساني بالحساني
ولكن ليه خلطٍ في القضايا=تضيع السالفه كاني وماني
وأنا وشلون بمدح لي خلايق=وأنا قصدي موضح من لساني
إذا مدحي موجه صوب واحد=لماذا كيف أشارك فيه ثاني
وكثر أسماء لامافيه داعي=وتمجيد الفلاني والفلاني
نبي حكمه نبي تهذيب معنى=دعوا عنا الأوائل والثواني
ومدحي في جدودي وش يجيبه=وأنا ما أحتاج فصلاً للبياني
ومن يخلع ثياب المجد مدحاً=أضاع المجد في ظل الجفاني
خذينا من ليالينا ليالي=وجاء الدور دور المحدثاني
ولازلنا على عهدٍ قطعنا=فإن غمت أمور استفتياني
الا من مبلغٌ عني محمد=عن الشخص الذي فيه ازدراني
الاخبر عضيد ابن السنافي =وقل له ماجرى ليلة لفاني
ومن يوصل لابن قضعان معنى=عن الأفكار حول الصاحباني
عيون الناس ياضيدان فيها=على كره البشر رسمٌ بياني
ولكم تتويج في الساحه حقيقي=تعدا حد عصر الزبرقاني
فلا يوجد مثل الأثنين شاعر=ولم يخلق كماكم شاعراني
رسمت الرأي حرا من مدادي=فقولا لي علاما تركضاني
بعد عذري ونصحي واعترافي=ألا مرحا بمن منكم أتاني
فإن طاب الكلام قلت أهلاً= وإلا فأركنـــا لاتأتيــــاني
خرابيط قلبي
صح الله لسان أبو ماجد عسى الله يرحمه ويسكنه فسيح جناته
ويرحم أمواتنا وأموات المسلمين جميعاً
يقف الكلام عند هذه الرائعه فإن قلت إبداع فني وحكمه ثمينه
فإنني بذلك أنقصها حقها.
لله در أبو ماجد
لاهنتي على النقل الروووووعه
ياخرابيط قلبي
تقبلي تحياتي