اقتباس:
|
المشاركة الأصلية كتبت بواسطة زبون كيمو
الله لا يهينك يا صديق الملك فكرة رائعة جدا 
***********
انا والله عندي مشكلة مع الكامري ترتفع حرارتها ارتفاع ماله سنع،، حتى اليوم وصلت الحرارة النص مع ان درجة حرارة الجو 9 درجات مئوية!!
يعني ايام الصيف كنت اقول يمكن الحر هو السبب ولكن عقب اللي صار اليوم ماعاد نيب مرتاح
،، علما بأني اسقيها ماء جعل ما فيه عافية واشيك على مستوى الماء كل اسبوع،، وحالتها ذي ما تجيها الا في الطرق المزدحمة والشوارع الفرعية....فافيدونا افادكم الله.
وشكرا لك اخي صديق الملك على الموضوع |
الله لا يهين راعي الفكره ... وسلمت انامل كل من شارك في الموضوع
حبيبي الحل عندي انشاءالله ... شوف اذا حرارة موترك ما تتعدى النص وترتفع بشكل بسيط.. هذا شي طبيعي .. ولا تحاتي ... اما اذا ترتفع الحراره بسرعه او تتعدى النص وسيارتك سليمه يبيلك تشيش الراديتر ... وانت شيك على الراديتر اكيد بتلقى لون الماي مصدي يعني قالب للون الاحمر ماهو شفاف . .. لان الراديتر اذا كان وصخ يسبب في تسكير فتحات الراديتر ويخلي الماي يغلي فيوصله للمكينه بدرجة حراره اكثر من تحملها فيرفع من حرارة السياره ... وانت لاحظ الهوز الاسود العريض الي طالع من الراديتر الى المكينه والسياره شغاله ... اذا يغلي وتسمع صوت غليان فيه فشيش الراديتر بسرعه لا يصير شي ثاني واهو الطامه الكبرى . لا سمح الله 
.
اسمحلي على الاطاله فديتك