بالبدايه ألف شكر لش على طرحش للموضوع
الموضوع اللي طرحتيه جدا مهم ويتعلق بعدة جوانب يتعلق فيها منها صحيه ، إجتماعيه ، وحتى تربويه .. بلخصها بالإجابه على اسئلتش
ج1 /
وهذي إجتماعيـًأ .. اعتقد ان السالفه ماتتعدى كونها ( وبالبدايه تحديدًا ) غشمره بين طرفين .. أخ يقول لأخيه ترى بنتك لولدي .. وتمشي الأيام والسنين وهالكلمه متداوله بينهم فلانه لـ فلان .. وأكيد مع مرور الأيام الولد والبنت على حد سواء بتمر عليهم تجارب وظروف ويكتسبون خبره وشخصيه ثانيه إبتداء من مرحلة البلوغ مرورًا بالمراهقه إلى مرحلة النضج أي إلى سن الزواج .. هالأحداث كفيلة بتغيير ( مزاج ) الولد او البنت وقد تدفع به إلى ( شوفه ثانيه
) .. !! .. أضف لذلك المشاكل اللي بتنتج عند رفض أحد الطرفين الزواج من الطرف الآخر من قطع لصلة الرحم وما إلى ذلك
ج2 /
ولو إنه أكيد ولا جدال فيه أن ابن العم او الخال هو أبدى وأولى الناس بقريبته إلا ان له ( وأقصد زواج الأقارب ) له أيضـًا مضاره .. من الجانب الصحي وفي البيولوجيا وتحديدًا بمقرر الهندسه الوراثيه وتحليل الجينـات الـ ( DNA ) ومع عمل الاحصائيات وتجارب على مدى عدة سنين وطبعًا النتايج بالارقام وُجدت الأغلبيه الساحقه من حـَمـَـلة الأمراض الوراثيه هُم أبناء مايُسمى بـ زواج الأقارب .. بإختصار أكثر .. تكبر إحتمالية مرض الجنين/الطفل بأمراض وراثيه يحملها أفراد عائله الأب/الأم والأمراض الوراثيه متعدده من عمى وصلع وفقر بالدم ( أنيميا ) وتفاوت بالطول .. إلـخ ..
وتربويـًا .. ( طبعا هالكلام بعد الزواج ) .. فيه مسلسل سوري قديم ( طلعت متابع جيد هاه
) يقول فيه الممثل الشاب لأبيه الخـِـتيار لما يطلب منه الزواج ببنت عمه : " أنا بدي خـلـّـف و ربـّـي مابدي خـلـّـف و زِت " .. نخلي الزلمكه شوي ونتكلم بلغتنا .. فـ يعني لو طاح الفاس بالراس - لا قدر الله - وحصل الزواج وإنجبر احدهم ع الاخر فالنتايج المترتبه بتكون كثيره وأمرّها وأقساها على الأولاد .. من إهمال بالطفوله إلى إنحراف بالبلوغ إلى سـِـيـَـابـَـه بالشارع بالمراهقه .!!
ج3 /
أهم ما على الإنسان فلذة كبده .. مو من الممكن أن اهدم مستقبل ولدي أو بنتي على كلمه قلتها قبل 20 سنه وكانت على سبيل المزاح!! هذا شي .. الشي الثاني .. اعتقد الحين العقليات تطورت وتفتحت
وصار الراي راي الولد والبنت إن وافقو حصل الزواج على بركة الله وإن رفض احدهم ماأعتقد فيها أي سبب يدعو للإستغراب .. فالزواج بمثابه إتمام لنصف الدين .. ولا إكـراه في الدين .
.
.
ومشكوره يا رنه مره ثانيه والله لايهينش
