ﻬஐ مأســاااتـــي
ஐﻬ
لـِ الشــــــــاعر والكاتب المبدع والـــــــــرائع
※ فيصــــــــل الخـــــــــالد※
.........
يا يمه جيت ابسأل ليه انا حظـي مجافينــــي ......... اشوف الناس ملتمه وانا ما بين حسراتي
اشوف افـــراح من حولي اسلم ما تحيينــي ......... اناديها وانا خجــــلان الزم في تحيــــــــاتي
احاكيها يافـرحــه وين؟ حلفت انك تزوريني ........ اشـــد بحكي ثم ارخي اداعبهــا بهمســاتــي
و لا بــه فـــايــده يمـــه بـرغبتـهـا تمشينــي ......... تواعد ثم تخلفني او انها تنـسـى اوقـاتــي؟
انا اذكْــر دعــوتك لله ... طلبــك انه يخليني ......... طلبك انه بيـرزقنـي و يـوفقـني فـ بـدايــاتي
تعلمت الدعـــاء منك وصــارت عادةٍ فينــي ......... اذا نامــت عيــون الخلق اوجه لله دعواتي
رجيت بصـــوت كله خـــوف متأمل بيعطيني ......... لاجل ما افرّحك يمه رجيت وزدت رجواتي
هقيت ان دنيتي تصـــدق بدعواتي وتوفينـي ......... صبرت بحروة امالي وحروة كل هقـــواتي
وجــــت للخلق ذا كله ولكن ازرت تجينــي ......... وقلت اكيــد هي خيره حمـدت الله لحالاتي
كتمت الآه لا تطلــع ولا ودي تشــــوفيني ......... ما ودي يتعبك نوحي ولا تشقيك شهقــاتي
تجرعت الالـــم يمـــه شربته بأول سنينــي ......... وجيتك ما بغيت انك تحسي مر لوعـــاتي
اضّحك هم دمعاتي واطمن خوف يحويني ......... واجر بصوتي العالي لاجل عينيك ضحكاتي
واذا صديت عن وجهك اسلم امري لعيني ......... تجيني مثل جلادٍ يروق ان شاف دمعــــاتي
اجملها بذكـــــر الله واقـول الله بيـجزينـــي ......... اهــدّي نفســـي اطلبهـا تجملها ببسمــــاتي
ولكن لو نجــي للجـــــــد ترى كـذبي مأذيني ......... ما عاد استحمل العيشه بتزيفي لفرحاتي
انا هلكـــااان يا يمه انا تعبـــــــــان ضميني ......... انا كل ليله اتوفى وارد احيا لصـــرعاتي
ذبحنـــي البـــــرد يايمــه بغيتـك لو تدفينـــي ......... طلبتك انزعي بردٍ سكن واستوطن بذاتي
ضلوعي تزاحمت يمه بصـــدرٍ ما يكفينـــي ......... من الضيقه من همومي من الامي واهاتي
يلاعب فكـري جنـــون و تلاعبني شياطيني ......... توريني ضعف حالي ... تذّكرني بمعاناتي
تشككني بحبــــك لي واقـــول انك تحبينــــي ......... تعاند حبـــــــك بقلبي تكــــــــذب لي حكاياتـي
ترى ما هزني خوفــــي وحبـــك لي بيحميني ......... ترى ما عمري اشكك والومك في نهاياتي
انا بس باسالك يمـــه حقيقه ليـــه ولدتيني ؟......... بنفس اللحظه يا يمه ولدتي ليه مأساتي ؟؟؟
ارد ادعـــي انا ربـــــي من العلــه يشافيني......... وكل خوفي على قلبك اذا مروك برفـــــاتي
انا خـــايف من احـــــــلامٍ نهايتهــــا بتشقيني ......... ومن قسوة مشاويري ومن اخر مسافاتي
وخايف والله من قبــــري ومن تربـه تغطيني ......... وسيره تنقطع بعدي ما يبقى غير كلماتي
ابيكي ترضي بالقسمه ورضوانك بيرضيني ......... تراني لاجلك اتمنى يحقق ربي رغبــــــاتي
يا يمه لا اشــوف الــهـــم بوجهك لا تبّكيني ......... ترى مكتوبه قبل اولد متى ولوين خطواتي
واذا ما جت على كيفي ابيــكي منها تعفيني ......... عسى ترحمني دموعك وتشفع عندك ابياتي
للأستماع لـِ إالقاء الشاعر ...
ﻬஐ مأســاااتـــي ஐﻬ