السلام عليكم..
الظاهر أن هالقصة ماعجبت الموجودين وأبشركم راح أنهيها اليوم
وكنت ناوي أكتب قصة ثانية لهم بس أشوف الردود ماتشجع..
وعلى العموم أنا آسف أنني تأخرت بتكملتها..
الحلقه الرابعه..
المهم إن مفتش وحيد قصدي حسين الظاهر إنه كان متولع بالمسلسلات البوليسيه لأنه طلع يفهم شوي والحظ ضارب معاه
الرجال إنغث منهم بس وش يسوي غضب عنه يسمع كلامهم ويجاريهم لأن هذا النقيب حسين وذاك مساعده العريف سالم وبالنسبه لسالم ناقة الله وسقياها ومع الخيل ياشقره
لأن الفلته حسين هواللي مسيطرعلى الوضع!
المهم الرجال إنغث وطلبهم إنهم يفكونه
قال حسين أبي الكل يطلع من مكان الجريمه وطبعا" مكان الجريمه كان المطبخ وكان الأكل مازال موجودعلى النار وإحترق
قال حسين لسالم ياسبحان الله ربي تقبل دعائي لأني كان ودي أصير ضابط وشوف شلون جاني الحظ
الحلقه الخامسه..
المهم إن حسين دور بالأدله الموجوده وإكتشف إن مافي البيت شي مخرب وقعد يفكر ويفكر ويفكر ويفكر وداخ من التفكير!!
بعدين سأل سالم قاله شلون نحل القضيه؟؟
قال سالم هذا أكيد إنه كان حرامي طب في بيت جيرانهم ولما صادوه إنحاش وطب من الطوفه على هالمسكينه ولما شافته طعنته بالسكين
طلع سالم مو هين لأنه شاف السكين اللي محطوطه على الأرض وفيها دم!!
طبعا" حسين قاله ياغبي هاذي السكين اللي كانت تقطع فيها الخدامه اللحم لأن صاحب البيت كان شاري خروف وكان موجود جنب السكين!
وخذا حسين السكين وعطاها سالم وقاله حطها بالدرج لأني ماأحب السكاكين
خذاها سالم وحطها بالدرج وصارت بصماتهم عليها لأن السكين كانت أداة الجريمه اللي خلاها ضابط الجنايات وراح لزوجته
حسين يكلم صاحب البيت ويقول القضيه صعبه وحلها يبي وقت..
وبعدين طلع هو وصاحبه سالم وراح معزومين على عرس
الحلقه السادسه..
رجع ضابط الجنايات ومالقى أداة الجريمه اللي كان مخليها بموقع الجريمه وصوت لصاحب البيت اللي مندبله كبده وسأله عن السكين؟
قال كانوا موجودين ربعك المجانين اللي دوخوني معاهم على الفاضي!
قال شلون مافيه ألا أنا اللي جاي عشان الجريمه!
وبعدين قال صاحب البيت أناشفتهم يحطون السكين بالدرج..
مالكم بالطويله..
الضابط خذا السكين وطلعوا البصمات وطلع عليها دم الخدامه وأربع بصمات وحده للخدامه ووحده مومعروف صاحبها وبصمات المقاريد حسين وسالم
بعد ماتم الكشف على الجثه طلعت مغتصبه ومقتوله..
سحبوا حسين وسالم وتمصخروا ودخلت واسطات وإثباثات إنهم مالهم شغل بالسالفه ألا إنهم ملاقيف ومطافيق
طلعوا من السالفه لأن ملفاتهم نظيفه وشهادة الناس بأنهم خوافين ومايذبحون دجاجه..
طبعا" القاضي يبي يأدبهم وحكم عليهم بالحق العام غرامه 500 دينار وسجن شهر لكل واحد منهم..
إنتهت قصة حسين وسالم وإنتظرونا مع قصة ثانية لهالملاقيف
ولكم كل الشكر..