[الفجــر البعيـد]

والله .. والله .. والله يا سعد إنك بكيتني بهالموضوع ..

ودموعي توها ما نشفت من موضوع البنت اللي عند قبر أبوها ..

وبكاني بعد توقيعك وتوقيع بنت حمران النواظر ..

بصراحة .. ما عندي شيء أقوله عن بابا جابر .. لأن الكلام ما يوفيه حقه ..

والله الديرة من بعده ظلام .. أنتوا قلتوا إن موقفه في الأمم المتحدة .. وبعد نزوله في

المطار .. وغيرها للحين مأثرة فيكم .. وفيني بعد .. بس أنا لي مواقف ثانية ..

تتذكرون لما رجع الله يرحمه بالسلامة من رحلة العلاج .. أنا كنت عند قصر دسمان ..

ومن ضمن الجمهور اللي طيروا الحمام .. هالحمامة اللي تصرفت بشكل عفوي ..

وهو لبى عينه .. ترى كان يأشر لها بيده ويقول مع السلامة .. كل ما أتذكر يوم رجعته لنا

بالسلامة ويوم وفاته أبكي .. ولو تلاحظون .. ترى تاريخ يوم رجعته هو نفس تاريخ يوم وفاته

بس مع فارق اليوم والسنة .. اللي يعزيني دعواتنا له .. تكفون لا تنسونه من

دعاءكم ..والحمد لله أنه توفي بين أهله وناسه وفي بيته .. وهو رايح يصلي الفجر ..

مو صدام النذل .. الله طول في عمره علشان يذله ..

اللهم أغفر لجابر الأحمد .. وارحمه .. وعافه وأعف عنه .. ووسع مدخله ..

وأغسله بالماء والثلج والبرد .. ونقه من الذنوب والخطايا .. كما ينقى الثوب الأبيض من

الدنس .. اللهم ابدله دارا ً خيرا ً من داره .. وزوجا ً خيرا ً من زوجه ..

وأجعل قبره روضة من رياض الجنة .. واحشره مع النبيين والصديقين والشهداء ..

سعد الصميل .. جزاك الله خير ع الموضوع ..

تحياتي