اقتباس:
|
المشاركة الأصلية كتبت بواسطة علي السكران
اخواني الاعزاء احب ان اصافحكم بهذه القصيده المتواضعه وهي المشاركه الاولي واتمنى ان ترتقي لاحساسكم
انا ما تغيرني المقادير مهما صار =ونفسي عزيزه ما تغير قناعتها
قلبت أنطباعاتي معك باول المشوار =وغيرت مفهوم الحياه وطبيعتها
تغاضيت عن بعض التجني وانا صبار =وبعض التعزز يفقدالنفس سمعتها
وكم قلت يانفسي جروح الكبار اكبار = عجزت انصح النفس الشقيه وازعتها
واذا كان بعض الحب يجلب ذنوب اكثار = فلا بارك الله في المحبه وساعتها
الا وين عشق اول وذاك الغرام الحار =الا وين ذيك الشمس تظــفي باشعتها
الا وين حب(ن) صادق(ن) ما عليه اغبار = الا وين نور احلى الليالي وشمعتها
توارت مثل غيم(ن) سكب غيثه المطار =وغادر وخلا النفس تشقا بلوعتها
ولا يانجوم الليل ما عاد به سمار = ولا عاد به كون المساري وضيعتها
وانا كنت مغرم فيك يازهرة النوار = ومفهومي ان الروح تدمن بولعتها
عليك النعى في صاحبك ثم عليك العار = من اسبابك الدنيا تضيق اتساعتها
كفايه تصنّع ياوليفي وكثر اعذار = فنفسي عن التعتيم زادت مناعتها
تغلي وهجر وفرض رايك بكل اصرار = يغير مبادي كل نفس وشريعتها
فلا يجتمع حسن وتواضع وثلج ونار =وبعض الوجيه اتغرنا في وداعتها
وانا كنت مغليك بغلاة الحنون البار =وسلمت لك روحي بكل استطاعتها
ومن بعد ما شفت القهر خاطري محتار = ونفسي حياة الهم مازاد وسعتها
وعزيت نفسي عنك يالصاحب الغدار =وباصبر على دنيا العذاب وقلاعتها
وبطوي سجل الحب والشوق والتذكار =ومن قال عود صوبها قلت قلعتها
اخوكم ... علي السكران |
صح لسانك .......... جزل والله
شاعر يفرض نفسه .... كلمات بها من البعد الشعري الكثير
سجلني في ذاكرتك مود ومعجب ومتابع لك
اخوك .... محاور .... 5 ..... نجوم