هذا واحد من الربع يسولف علينا يقول انه كان مودي جدته للطبيب.. وهم ينطرون دورهم تجيهم ذيك العجوز السورية المخرفة ..وتوايق في وجيه المراجعين ..وتشوفها جدة الصبي وتقوله:
+لعنبا((الoo)) هي وش قومها توايق في وجيه الريجيل لا رحمت؟؟
-يمه هذي عجوزن مخرفة .
+ مخرفة؟
- ومضيعة ولدها.
+وليه يوم توايق في وجيه الريجيل؟
- تحسب ان ولدها معهم.
يقول الصبي: اسكتت جدتي شوي ثم تنهدت وقالت:
+ جعل ربي بعدنا.
يقول الصبي دخلنا على الدكتور وطلعنا وركبنا السيارة وانا من شدة الضحك ما قدرت اقولها ان كلامها ذا ما يجوز.