[الجنازه]

المشاركة الأصلية كتبت بواسطة راعي الذئاب

ايش قومكم ؟

ماقلت غير الصحيح يالشمامره

ابن رشيد الي تفخرون به منا قحطاني وحكمكم غصب عنكم بالسيف

وانتم وكل القبائل اصلكم منا ترجعون لقحطان غصب عن الي موبراضي اما البيرق ماحكم الا شمر

ودولتكم خيال بروسكم تحتمون بجبال اجا وسلمى ولا كانت علوم وسوالف

ونا ماني بقحطاني ماغير خوالي منهم وافتخر لو مو ابن رشيد ماسمعنا عنكم وعن دولتكم الوهمية

يارجال ماغير مهايط على النت

تعال عندي ونشوف من منا الذيب وانا اخو الذيب

طيب يا راعي الخرفان

اذا كان ابن رشيد قحطاني ومن قبيلتكم مثل ماتقول

عطني عمود نسب أو مشجره تؤكد ذلك

علشان نصدقك ونأكد كلامك !!

أو عطني بيت شعر صحيح لـ إخوان نوره يقولون به أنهم من قحطان كما تدعي ؟؟

عموماً القصائد الشعريه لـ ابناء هذه الأسره التي حكمت نجد قرابة القرن كثيره جداً

يقول الآمير عبدالله الأول بن علي بن رشيد " مؤسس الإماره " : -

كلِ تذكر عزوةٍ له مع الناس=وانا أتذكر عزوتي الشمّريه

قال هذا البيت عندما ضامه الزمان وهو في العراق ..

يقول الآمير عبدالعزيز بن متعب " الجنازه " : -

ذبحتهم والقضي ممهون=بعيال شمر على الخيلي

وهذا البيت معروف ،، يوم تنتصر شمر على إبن صباح والقبائل اللي معه

ومن بين هالقبائل قبيلتك قحطان ومطير والقبائل السبع الكبرى كلها

يقول الآمير الشاعر المعروف طلال بن رشيد " رحمه الله " : -

ما أذل وراسي يشم المهب=لو بقى من ( شمر ) طفلٍ صغير

قال هذا البيت قبل وفاته ،،،
واذا كان من قحطان ليه ماقال ( ما أذل وراسي يشم المهب ** لو بقى من ( قحطان ) ؟؟
كلامك يالأخو مغلوط وكله متنااااقض وغير صحيح !!

وهؤلاء هم ابناء الرشيد يؤكدون نسبهم

بأشعارهم ..

والرشيد حكمه مرتبط بشمر والعكس صحيح !!

والبيرق اللي تجحده وماهوب عاجبك

حكم كل القبائل الموجوده بنجد من شمالها الى جنوبها

وأخذ الجزيه عليهم

يقول راكان بن حثلين " شيخ العجمان " : -

من باب عمّان إليا باب نجران=مهي لنا يالضيغمي أنت أميره

هذا البيت معروف لكل القبائل ،،

قاله الشيخ راكان بالآمير محمد بن رشيد " المهّاد "

واذا كنت مطيري ،، والف نعم فيك
لكن أحب اذكرك باللي قالته شيختك ( أخت عزيّز الدويش )
اللي ذبحوه شمر بالمسعري : -

ماتشوف عزيّز غشاه غبار=بالمسعري تكلح انيابه
صبيان الطنايا غدوله نار=هم علته واكثر اسبابه

عزيز فيصل الدويش قتلوه السناعيس فى المسعرى

هذا الكلام اللي يثبت على الشارب

ماهو هياطك ياراعي الخروف

هذا رد على السريع

ولي عوده