الله لا يهينك يالغالي
ومنك احلى اطاله
ووالله في زمنا هذا كل الناس تخاويك عشان مصلحهم
ويا كثرهم اهل المصالح الماديه
وللأسف لا جيت تعد اقرب اصدقاء لك من الف صديق تحصل القريبين حيل والي شارين خوتك ماهم شارين مصالحهم معك ينعدون على الاصابع.
والحين خوي المصلحه مو مال تجامله يا انك تزفه ولا تقضبه مصلحته وتفتك منه
وعلى قولة فهد المساعد :
حتى رفيقي ضماد الجرح وعلاجه .. على كثر ما اتمسك فيه صدقني
لو ادري انه مرافـقـني على حاجه .. لأمسكه حاجته وأقـول فـارقـني
هذا عن موضوع المصلحه
__________________
والحين عن المجامله
يا اخي شوف المجاملات في المنتدى تلقى فلان ما يرد الا على مواضيع فلان لانه خويه خارج المنتدى ولا لانه ولد عمه القايم ولا ولا ولا .... ولا تحصل بنت داخله منتدى الشعر وتقول قصيدة فلان في وصف وانيت الجمس روعه انا الحين ابسأل وش عرف البنات مثلا بـقول ضيدان (( والبلوف تقول للكهرباء هل من مزيد .. والسيور تقول للمروحه هل من مفر )) والي يثبت لك انها مجامله لناقل هالقصيده او مجامله له لأنه دايما يكتب ردود في مواضيعها . تحصل البنت تقول والله روعه واحس انها احسن قصيده انكتب عن وصف السيارات .. ولو انت تسألها وتقولها وش يعني بلوف .. انصدمت وقامت تبكي .. وانا ما اقول بس البنات حتى الشباب نفس الشي تحصله داخل منتدى الاسره ويرد على مواضيع تخص النساء فقط .. ياخي وش تبي انت .. لازم تثبت وجودك يعني . ويعلم الله اني ما زليت بشي وانت افتر فالمنتدى وشوف.
واسمحلي على الاطاله
(( في كلامي هذا ما اقصد احد .. لحد يسويلي زحمه والشارع فاضي )) 
وتسلم على موضوعك يالغالي