[من داثر الوقت]

الأخ العزيز مرهف الإحساس

هاذي القصه أضعها بين يديك وأتمنى إنها بدون تحريف والعلم عند الله


{{قصيده قالها راكان وهو في منفاه ... وقد افتخر فيها بمعركة البرة التي شارك فيها عام 1288هـ بين الأمير سعود بن فيصل ومن معه من قبائل قحطان والعجمان وآل مرة وسبيع والسهول والدواسر وأهل الرياض ، والخرج ، والحوطة ، قاصدين غزو الأمام عبد الله الفيصل ، الذي كان معسكرا في إحدى قرى نجد (البرة) شمال غرب الرياض ، وقد التقى فيها الجمعان يوم 7 جمادي الأولى عام 1288هـ ودارت بينهم معركة حاميه انهزم فيها فرسان الأمام عبد الله وقتل منهم عدد كبير ، ومن أبرز الذين قتلوا من فرسان الأمام عبد الله الفارس /عبد العزيز بن محمد بن ناهض ، ومن فرسان الأمام سعود فارس العجمان المشهور / (منصور الطويل)*

أخيل ياحمزه سنـا نـوض بـارق= يفري من الضلماء حناديس سودها
على ديرتي رفرف لها مرهش النشا =وتقفاه من دهم السحايب حشودهـا
فـيالله يالمطلـوب ياقايـد الرجـا= ياعالـم نفسـي رداهـا وجودهـا
إنك توفقها علـى الحـق والهـدى=مادام خضرا مابعد هـاف عودهـا
وأبدل لها عسـر الليالـي بيسرهـا=وجل المشاكل فل عنهـا عقودهـا
وكبد من أسقـام الليالـي مريضـه=عليها من جمر اللهايـب وقودهـا
تقطعت الأرمـاس عنـا ولا بقـي=إلا ودود دايـم فــي وجـودهـا
حبيبي ومقصودي لعبده إلى عطـا=وهايب فضلـه ماتقـاس مدودهـا
فيا حظ من ذعذع على خشمه الهوى=وتنشى من أوراق الخزاما فنودهـا
وتيمم الصمان إلى نشـف الثـرى=من الطف وإلا حادر مـن نفودهـا
معا وجه سلفـان إلـى لاح بـارق=نحت له ولو هو نازح من حدودهـا
يامية هم مشعل الحرب إلـى دنـا=حريب ورفـت للملاقـي بنودهـا
حريبنا نسقيه كـاس مـن الصـدا=والحبة الزرقـاء لكبـده برودهـا
وإن زارنـا سبـع يـدور لغـره=كفوفه دروع من فجايـا صيودهـا
عبينا لزوراته قراها إلـى أقبلـت=وخطرنا على زيزومها اللي يقودها
وعقب الطمع ترجع سرايـاه كنهـا=غيا جملة صفـت عليهـا فهودهـا
وتغشـي قطـي الخيـل دم لكنـه=تزيعج دلا أولاد عطاشي ورودهـا
وان ثقل اللي في اللقا يروي القنـا=اللـي لونيـات السبايـا سنودهـا
زعجناه باقارب المطارق ورادتـه=عرجـا دوام للجرايـر تـرودهـا
فإن جـر حربـي علينـا جريـره=صبرنا عليه ايلين نقـوى ردودهـا
فلا قوينـا الـرد نجزيـه مزنـة=حمرا تزلزل في رهقهـا رعودهـا
رعدها القهرومصبب الدرج وبلهـا=وحدب مقابيس البلا فـي حدودهـا
بمذلقـات الهنـد والشلـف كنهـا=السن سلاقـي متعبتهـا طرودهـا
كما مزنة نشت على الجوف وأسبلت=غثا سيلها يملا الحفن مـن نفودهـا
والأخرى على جوده غثاهـا لكنـه=صرايم زرع في ليالي حصودهـا
وراهن يوم يقصـر الظـن دونـه=حظوظ من الله وافقتهـا سعودهـا
غزو على البرة تذلهب بنـا الرشـا=وتقطعـت عنـا ملفـق جرودهـا
وخشوم طويق فوقنا كـن وصفهـا=صقيل السيوف اللي تجدد جرودهـا
تولفـت بـدوان نجـد وحضرهـا=بإعدامنـا قامـت تجـدد عهودهـا
تولف علينا الذيب والفهـد والنمـر=سبـاع عليهـا ولفتهـا أسـودهـا
جمعهم لنا ليث على الدرب جابهـم=فلا عاد نقوى ولو بغينـا ردودهـا
كفنا بهم رب لـه الحمـد والثنـاء=علينا مدوده ليس تحصى عدودهـا
لك الحمد يامعبود والشكر والثنـاء=وجيه على البيدا نساوي سجودهـا
ومـر يكفونـي مذاريـب ربعـي=وأتاجر بنفسي و اتنومس بزودهـا
إلا إلـى شفنـا عليهـم هزيـعـه=من دونهم حمـر المنايـا نذودهـا
عسـى جـواد ماتعـرج يصيبهـا=شبا مطرق يقطع ملاقي عضودهـا
وأنا ذخيرتهـم اليـا دبـرت بهـم=شعث النواصي والنشامى شهودهـا
وملفى مسايير علـى جـوا عينـو=اقريشية يعبا معـا الهيـل عودهـا
مع منسـف وحايـل اليـا اقبلـوا=لاعلقـت مايحتملـهـا عمـودهـا
والا ردوم من ورا الحجـز نيهـا=تداوي بها الربع النشامـى كبودهـا
وننشر عليها السمـن زود وتعمـد=لشوارب ٍ تروب القنا في هدودهـا
والى لفانـا مجـرم ضـده النيـا=كنـه بعيطـا نابيـات حيـودهـا
إلى ضد حمله في متونـه وزارنـا=نسفناه عنه ايليـن تبـرا لهودهـا
وبالجاه نرخص غالي المال دونـه=ووراه سيوف مرهفـات حدودهـا
نقلـط للعقـال بالعـقـل مثلـهـا=ونعيـا لعيـلات المقـرد قرودهـا
ومن دور العليا نجازيـه بالرضـا=ومن دور القصيـا نلقيـه كودهـا
لينه يبدل زجـرة الهـدر بالرغـا=وقومه تكثر لطمها فـي خدودهـا
هـذي عوايدنـا لهـاذي ومثلهـا=ونفس الفتىلابدهـا مـن لحودهـا
ولاهيب فعـل مـن يدينـا بديعـه=سوالف رجـال خلفتهـا جدودهـا
وصلوا على خيـر البرايـا محمـد=مالعلع القمـري وماهـب نودهـا