[™ عبد الله ™]

السلام عليكم

<< اول مرّه يدخل بيت الأســره

في البدايه .. اشكــر اخوي ابن صليــمه على طرح مثل هالقضيـّـه ..
وهذي من اكبر مشاكل الكثير من الأســر في وقتنا الحالي .. علما بأن الخدم والعبـيــد كانوا على وقت الرسول صلى الله عليه وسلم او يمكن قبل ..

انا عن نفســي أرفــض وجــود الخادمه او الخادم في المنــزل ..
لكن هل هناك بديل ؟؟
ليش امـّهاتنا ما كان عندهم خــدم في بدايات زواجهم ؟
فيه اسئله كثيره تطرح نفسها ..

مثل ما قالت الاخت غزلان .. انها تقدر توفـّـق وتعدل بين واجباتها المنزليه وبين عملها ..
وهذا كلام صحيح .. لكن هل كل الأســر تتشابه بالظروف المعيشيـّه والاجتماعيـّه ؟
الظروف في الحاليه تختلف عن ما كانت عليه في الماضي اختلاف جذري .. فـ الحين نادرا ما تجد زوجه لا تعمــل .. لكن في الماضي كانت المرأه متفرّغه كليـّا لواجباتها المنزليه ورعاية الاولاد
الزبـده .. ان كلام الاخت غزلان ينطبق على فئه وحده فقط .. اللي هي ( الزوجه اللي ماعندها اطفال) .. فلو كان عندها اطفال تحت سنّ الدراسه .. اعتقد انه في هالحاله يجب ان يكون هناك من يقوم على رعايتهم ..

وبالنسبه للزوجه اللي ما تعرف تسوي القهوه فالسبب يعود لوالدتها اللي ما حاولت ان تنشئها على ذلك .. بالاضافه الى ان الزوجه نفسها تتحمـّـل قدر من المسئوليه فلا يجوز ان نبرّئها من ذلك .. لأنها ليس جاهله او طفـل .. حتى تتنصـّـل من مسئولياتها المنزليـّه فكان يجب عليها ان تتعـلـّـم

وكل الشكر لك يا ابن صليمه