السلام عليكم ورحمة الله وبركاته
يالله حيه يابن الاجواد ،،، نور المنتدى بوجودك
وبصراحه اسئلتك اعجبتني جدا جدا
سئلتني سؤالين ولك مني جوابين
اولا : - وشدخل شمالي وجنوبي هاللحين طال عمرك ؟
الجواب
الشرارات وين شايفهم جنوب ولا شمال وفي ترحيب يفرق عن ترحيب الترحيب الشمالي
ماهو لون الترحيب الجنوبي ،،، والسلام يفرق في سلام بالوجه وفي سلام خشوم
اما
ثانيا : - ووجيه الشر اليهود وانا خووك مهوب اخوانك المسلمين ؟
الجواب
وانا اخوك انت انت اولا وين جالس ،،، اكيد جالس بمنتديات قبيلة العجمان وكل شيء موجود
او الاغلبيه عن القبائل والموضوع اللي انت فيه عن معارك جميع قبائل الجزسرة العربية
وكلن يفتخر بمعاركه وبحروبه ،،، وهذا لقبنا اليهود يخسون ماهم وجيه شر اليهود رخوم
بس حنا نشوفهم اقوياء وشجعان
واللقب هذا لقب علينا نحن مالقبنا انفسنا كما تفعل بعض القبائل ،،،
خلني اعطيك كم مفهوم عشان تستوعب الاربع كلمات
اول كلمتان
حلابت الدر
قال الشاعر :الامير عبدالرحمن السديري رحمه الله
طلبتهم ميه و صيدي حبارات *** ودي لبن لا جاهم السيل iiبدري
عسى الحيا يروي ديار الشرارات *** حلابتن للضيف من قبل iiيدري
قبيلة الشرارات تمتلك افضل انواع الهجن الاصيله ،،، ومنبع القبائل الاصيله نبعت من عند
قبيلة الشرارات الشماليه وكانت قبيلة الشرارات بالحروب تحارب وهي على ابلها
وحاربت قبيلة الشرارات عده قبائل وكانو يركبون افضل انواع الفرس والحصن
وهزموهم الشرارات وهذا معروف ووللتأكد ادخل على الابل او الابل في الجزيرة العربية
وكانو يحلبون الدر يعني الابل الاصيله وكانو اول مايأتي الضيف يقدمون له حلوه الجوف
مع اللبن الشمالي .
اما
ثاني كلمتان
وجيه الشر
وقال آخر:0
حلابةً للدر وأضاً لنا iiشهاد وجيه شر لمن علينا يتعدون
والنخوة عند قبيلة الشرارات هي:0
عيال مكلب ياربعي
حيث قال خلف بن دعيجاء:0
باولاد مكلب فوق حيلا iiجلال وبارودهم دق الفرنجي بالأيمان
ويقول آخر هو زايد الحميد:0
حنا بني مكلب على المعتدي جور وانتم بلي ياويل من iiيعتديها
الشرارات معروفين بأوجيه شر بالحرب لقد لعبوا دور في الشمال وكان موقع الشرارات
خطر بين شمر ووايل وعنزه والحويطات وبلي وبني عطيه وعوده ابو تايه وجازي وبني صخر
وابن هذال وابن مجلاد وبكر وابن ضلعان وفدعان واسبعه والروله والكثير وضلت قبيلة
الشرارات متمسكه واي قبيلة تتعدى حدودها تهزم فورا ولقبنا بوجيه شر لان القبائل رأونا
في الحروب اما الناس الان ي}لفون على كيفهم وشكرا،،،،،،،،،،،،،،،،،
شرقينا شمر على الموت وراد *** كم راس شيخاً عن متونه يشيلون
وجنوبنا وايل مدابيس الأضداد *** لطامة العايل ضريرين بالكون
وجنوبنا بلي صنايد الأولاد *** شجعان عن جمع العداء ما يهابون
ويحدنا بني عطيه لنا حداد *** أبو دميك اللي بفعله يفوزون
وتايه وجازي سربة شيخها أمجاد *** غربي سرغ يم التهامه يعيشون
وبني صخر تحدنا غرب من غاد *** من الدميثه للعلم شرقها ودون
قبل أجدود أشلاش وارميح واطراد *** هيل المهار اللي على الموت يردون
وغربينا الطرشان والجنق واعناد *** وأهل البطين اللي بحقه يحامون
وشمالنا شرق ألغرب تمداد *** من الجنوب للشمال فيه يرعون
الشيخ إبن هذال هو وابن مجلاد *** وبكر وإبن ضلعان واللي يضمون
وفدعان واسبعة على الكود وانكاد *** عند الطريح أن طاح لازم يردون
وارويل متعبة السلايل والاجياد *** جمع الجلاس اللي كما الحيد يرسون
يحدنا أبطال من عصر الأجداد *** فطاحل عند القبائل يهابون
لهم على العدوان هده وملكاد *** بسيوفهم قبل البنادق يعرفون
ولم تأخذ ارضهم وكانت القبائل تدفع الجزية لهم وكانو شرسين جدا جدا جدا جدا
اخوكم :-
شيخ القبايل