هذا رد على موضوع الأخ فهد والسفر
فهد يغني يوم كثرة طواريه = نوا يسافر لديار البعيدات
يبي خوي (ن)في طريقه يماشيه=مذكور له في وسط لبنان صيدات
الزين والله بيناتٍ حراويه=موجود في وسط الديار العذيات
في نجد وإلا في خليجك تلاقيه=الجوهر المكنون وسط العبايات
ظبي الخليج الله من الزين كاسيه=الله محلا خدوده الجوهريات
ونجلٍ يتلن الفؤاد بعراويه=ومجدلاتٍ فوق الأرداف سبحات
قدٍ وخد وعقل واخلاق ياهيه=وسوالفٍ يطرب لها القلب بالذات
لكن عذروبه حياه وتغليه=وصيده يعدونه من المستحيلات
وإلا الجمال اللي من السوق شاريه=ماهو بشيٍ مع جمال العفيفات
الله يجيرك من الزمان وبلاويه=وإلا الوصول لغاية النفس هيهات