اسمح لي اخوي راكان اليامي اني اسد بمكانك واذكرلك القصيدة
وادري انك يالسمي منت بمعارضني ..
القصيدة تقول :
نقول اليوم مبروك عرس(ن) عمه النور=دعانا داعي(ن) له وشرفنا محله
على جمعه يتم الفرح والبال مسرور=محبة راعي العرس كل(ن) عاني(ن)له
خذينا بنت من بالمراجل وافي اشبور=كريم ومنزله بين بني عمه ندله
نبي اليا جا ولدها على العدوان له دور=يقوم بصف ربعه ويكرم عاني(ن) له
هذي اللي حافظه من القصيدة
وهي تقال كنوع من الفريسني وهو نوع من اللعب والقصيد يلعب بالزواجات والافراح ولكن ماعندي علم اذا كانت هذي القصيدة اصلها ياميه اول مرة اسمع بكذا اسمعها عندنا بالشمال من زمان واول مرة سمعتها قبل عشر سنين ..
واذا كنت تبغى يابن زابن قصيد الافراح فانا حاضر ... وياليت يتم تخصيص موضوع كامل عن هذا الشي
وسلامتكم
اخوكم
راكان الظفيري