[الصابري]

الكحيل
ماعليك زود يالغالي ..
مع اني ناقل الموضوع تفضل وقول ملاحظتك
يمكن اقدر ارد عليها ... ..


نصر النجدي

ماعليك زود يالغالي ..
ما انا الا سوى ناقل للموضوع ..

وعطاء بن ربيعه من عدنان وليس قحطان

وسأنقل لك قصيده كانت موجهه للعصيمي من عتيبه
للشاعر : محمد بن عبيد

وهي باسم (عطا بني عامر) هوازن عمامه:

ياهوين وش عندك تسـب النشامـه=اللي عن هروج القفا منك ساهيـن
اهرج على اللي ما يعرف الفهامـه=ولا كثير النـاس ياهويـن واعيـن
ومن لا يجـوّد فالبعيـر وخطامـه=حنا نجـوّد لـه خطـام وبعاريـن
ومن لا يثمـن يالعصيمـي كلامـه=يخرج عن المله ويخرج عن الديـن
والادمـي عيـبٍ يقـل احترامـه=لحيث اهو من طين والناس من طين
والخوض فاللي ما تعرفه غشامـه=وسرجٍ على ظهر البقر منظره شين
لبّست نفسـك يالعصيمـي عمامـه=ونصّبت حالك من ثقـات البلاديـن
رفعت لك هامـه ووطيـت هامـه=وسويت لـك علـمٍ بليـا قوانيـن
علم النسب صعبٍ عليـك افتهامـه=قليل عرف ولا تعـرف العريبيـن
ما هيب ياضعيف الجدا لعب دامـه=ولا كــلامٍ نقّـلـوه الوراعـيـن
علم النسب دونـه رجـالٍ شهامـه=معهم علـى مـا ينقلونـه براهيـن
قصيـدتـك بنحطـهـا بالقمـامـه=ونجيك فالجاسر وقول ابن جبريـن
عطا بني عامـر هـوازن عمامـه=مدونـه ياهويـن وسـط الدوانيـن
عـوازمٍ يـوم القبايـل خصـامـه=حيين من عرض المناعيـر حييـن
وترى العوازم محتميـن الجهامـه=من عام الاول يالعصيمي لهالحيـن
وملبوسنا ياهويـن تـاج الزعامـه=حتى ولو انا من الهنـد والصيـن
وافين من (عامر) رفيـع المقامـه=ودون اصلنا بافعالنـا دوم وافيـن
واصغر دليل انـا رجـالٍ نشامـه=نكرم عتيبه عن سوايـاك ياهويـن

وكذلك قال الشاعر : محمد العازمي
في قصيدته في مدح جميع القبايل ..
وسأخذ الجزء الذي نريده منها ..
الا وهي :

ابدي بربعي مزبن الذيـب والطيـر=عوازمـن وقـت الملاقـا مغاويـر
كـل العـوازم كلبوهـم مناعـيـر=شجعـان ربعـي طيبيـن الفعايـل
يا الاد عازم يـا طويليـن الايمـان=ذباحتن للشيخ فـي وقـت الاكـوان
حنا العوازم من هـوازن وعدنـان=ولاقول قصره في عيـال القبايـل

وهذا تسلسل نسب عطاء بن ربيعة في بني كلاب في كتاب جمهرة النسب لابن الكلبي المتوفي سنة204 هـ


ولا يوجد بالقبيله فخذ اسمه عياض بل الذي يوجد غياض

وشكرا