[شهد]

اسمك واسم وابوك ولايكثر :

فلانه بنت فلان الفلاني

اسم اللي جنبك الا اذا كان جنبك جدار :

والله على يميني جدار وعلى يساري باب الغرفه

رقم بيجر ابوك :

ابوي ضيع بيجرة في ربوع الصمان يومن راح يسرح بحلالنا

إختـــــــــــــبار مادة النحو00



اقر الأسئلة اللي تبي تجيك هالحين لا ألفعك بعسيب النخلة..وجاوب عليهن..كلهن..:

زين وراك معصب بنجاوب
الله يستر من ذا الامتحان المخنز

السؤال الأول .. سوف تنسدح امامك قطعة..اقرأها..وانت مركز لأننا بنلعب عليكم..وتبي تنسدح عقبها اسئلة مهيب صاحية..

القطعة :
قام ابوداحم من فراشه متحمسا..واسرع بالروحه للحمام..
لأنه كان ................ جدا..دق عليه ابوسعدون..
كي يروحون جميع للمدرسة..
وابدى ابوداحم موافقته للفكرة..وانطق ابوداحم بالحوش
ينتظر قدوم ابوسعدون..والذي يبدو انه سوف يعطي ابوداحم ركبه
ليست صاحيه البته.. قفلت مع ابوداحم وجلعد الى المدرسة مسرعا..وهو معصب ناوي يلعن أبو خامس ابوسعدون..
فدخل الفصل..وطب ببطن ابوسعدون..
الى ان جاء المدرس جلمود وصفق الأثنين تصفيقا مبرحا..





سؤال (أ) :
ماذا فعل ابوداحم بالحمام ؟ (( سؤال محرج صح ؟))

ويومنك داري انه محرج وراك تطرحه

اكيد ماراح ينام
راح يلبي نداء الطبيعه >>>> يعني مثقفه

سؤال (( ب )) :
استخرج من القطعة ..حرف جر مع اللي هو جاره..

من: حرف جر
فراشه:اسم مجرور


حل اخر .... ابو داحم والحمام
الحمام : حرف جر حيث انه جر ابو داحم له جر... جرة التيس لصخلته
ابو داحم : اللي انجر جعل ماننجر جرته

سؤال (( ج )) :

أعرب..اللي تحته شخط..

_________

ماهنا شخط ... استاذ جلمود شكله دايخ

السؤال الثاني :

(( أ))حط الكلمات اللي تبي تجي..في جملة زينه ؟؟ (( لاتستبعط ...تحط جمل مالها داعي اتوطى ببطنك.. ))

صندوق - جوال - جلنط

صندوق:

جوال: الجوال هو اختراع ملعون جدف ماجانا منه غير المخاسير
جلنط:

((ب))- اكتب خمس جمل زينه تحتوي على فعل أمر..

-
السؤال الثالث ..... اعرب الجمل التاليه .....
- توطى الأستاد ببطن الطالب..

توطى:فعل قاسي ومؤلم حيث يقوم الجاني بنطح المجني عليه بكرشه مما يؤدي الى صداع نصفي في اصبع قدمه اليمنى
الاستاذ: فاعل و كائن حي له راس كبير وخشم اكبر يلبس النظارة وله اربع عيون يعتبر العدو اللدود بالنسبة لي ولجميع الطلبه الفاشلين
ببطن: الباء حرف جر
البطن هي كرة كبيرة ماان تفتحها تجدها قد ملأت بالكبسات والبيبسي (انا بطني فيها ديو) والقهوة والحلا وكل مالذ وطاب
الطالب: حسب اذا كان مجتهد .. ولد قصير ودب مصيري(يعني مصري) يموت بحل الواجبات والمذاكرة ، دايم يقعد الاول ، تلاقي قبل كل امتحان طق مطاقق عنده انا و كل الطلاب نبي نقعد جمبه ولكن في الواقع هونحيس و

لايغشش ابدا , يبكي اذا نقص نص درجه ... الله يقطع وجهه انا لو انجح عالحفه اسوي حفله واقعد يومين ادبك على ام طلال
اما اذا كان فاشل: فهو كائن طفيلي قمه في الدجه ، أبوه يطقه وامه تحبه ، مهمل في كل شي.. بلبسه بدراسته بالدنيا بكبرها يتقن اللعب في الشوارع !!عزاااااااااااااااااااااة ايام اول انا والشله والله بعز الضحويه احتري الشيبان يقيلون وادج.. تلاقيني من شارع لشارع لا وحافيه بعد

- فلق صويلح ابوجلمبو بخشبة..

فلق: وفي رواية اخرى فلع وهو ان يقوم شخص عربجي باخذ حصى من القاع وفلق خويه فيها وغالبا ماتكون موجهه لراس المجني عليه
صويلح: أدشـر واحـد بالحـاره وشيخ مشايخ العرابجه وهو الونيس والزعيم لكل طفران و منكمخ ومسطول من شباب الحارة
ابوجلمبو: فعل ماضي راح جعل ماتروح مراحه حيث انه اصبح ضحية الشيخ صويلح ...
بخشبة : الباء حرف جر
خشبه: هي الماده التي يستخدمها العرابجه في صنع المشعاب والعجرة والمصلاب لزوم حركات الورعنه

–
هذولا الطفارى رايحين فيها لامحالة..

هذولا:كلمه تقولها يابغيت تشر على حد وبنفس الوقت تمصخرة
الطفارى: طفارى يطفر طفرن كلمة يكثر استخدامها في وصف العاطلين عن العمل والسرابيت والدشير
رايحين: عكس راجعين ... الله لايهينك
رايحين فيها: يعني هذولا الناس مابالحمض احد يعني ماهناش يعني بالعربي صلاحيتهم منتهيه قبل تبدا
لاقانون ولاسلم يردعهم
لامحالة: هذي كلمه استخدمها الاستاذ توهيقه حيث انه حذف حرف اللام وحط مكانه الالف بس على مين تلعبها على مين يابن الناس ,,, الكلمه تعني لا محل له يعني ما عنده بقاله ,,, او ماعنده محل يعني ماعنده مكان
كده والا مش كده ياقلمود افندم

كده والا مش كده

مع تمنياتي لكم با السقوط العاجل........

المدرس جلمود بن صخر حطه السيل بن علي