للصمت هيبه
ابشر باللي انت تبيي
انا بعطيك اللي عندي من قصايد بن جدلان
واغلبهاا غزل
ياهلا وامية هلاا يارحب وامية رحب=الرحب تنقل رحب والهلا تنقل هلا
لين توصل غاية امناك يأغلى من نحب=بس على قلبك هو يحب ولا ماسلا
شوفتك عندي بساتين واطلال وسحب=ووحشتك يوم ابتعد منك يا دفع البلا
سعد بن جدلان
المصيبـة لا تصـادم أصـول مـع وصـول=الوصـول تواصلـه و الأصــول تجنـبـه
و الله مدري وش أسوي و لا أدري ويش أقول=و الحقايـق تيقـظ آخـر سباتـي ينتـبـه
البهـى الفتـان يخلـف موازيـن العـقـول=و الغلا يثر علـى النفـس لومـه و اعتبـه
يـا يبـه الصـورة اليوسفيـة و القـبـول=يا يبـه مـن لهفتـي و اشتياقـي يـا يبـه
سعد بن جدلان
مل قلب من هوا الخدرات عيّا=باقي له من هوى خلّي بقاياا
لا بغيت اسج من سمح المحيّا=شفت من وصفه على غيره حلاياا
فز قلبي وانتبه عقب النسيّا=وانحرف فكري وجارن الكواياا
راح يشرفني على نور الثريّا=لين وردني على حوض المناياا
وان بغيت اجيه وصله ما تهيّا=صارو العربان من دونه حماياا
ياوليفي لا تسويبي كذيّا= الخطايا لا تلحقها الخطاياا
مايبور ابصاحبك عقب البغيّا=كود ناس مالها بالله عناياا
كل شي اعمله الا الجفيّا=الجفا يزعل وسيعين الحناياا
بن جدلان
الا يالله ياللي تحت هيبة سلطنتك اسلمت =لك المسلم يسبح لك بحمدك والك الاسلامي
احمدك واشكرك واثني عليك بما عليانعمت =وزودني وفاء قدر العشير وصل الارحامي
ولجك الفجر ياليل الذهول اللي علي اظلمت =يعرضك واقع الماضي عليه عرض الافلامي
ولهتك يالنديم اللي على صافي وفاك اضرمت=بصفحة ذكريات العام واللي من ورىالعامي
بعد تقرير مشوار التجارب نجحك واجزمت=بأن السيف يبغى والعصا والمحزم احزامي
ضمنتك راس مالي مكسبي في كل ماساهمت =قفلت ابواب حيطان الحسايف والتندامي
عطتني عزلة اخلاصي معك نسيان من نادمت =كتبتك وانطوت صحفي عليك ورفعت اقلامي
اباهي لاابالي واتبيسط كل ماقدمت =واشب النار قدام العرب واشيد اخيامي
نهاري حر شمسه يستحي منها لسان الشمت =وليلي ترجم انجومه ملامة كل من لامي
على ضوء الكلام اللي كشف عنا ستار الصمت=عرفت اني تحت برق الامل في روض الاحلامي
احسبنك تيمم باتجاهي وين مايممت=اثر مانته ورايه بالطريق ولانت قدامي
مصيبه لاتردت قيمتك في عين من قيمت=يشوفك فالسهل وانته تشوفه فالسماالسامي
كثر ماحن قلبي للونيس وكثر مادرهمت =فجر صدري حنيني واتعب الاقدام درهامي
عيون الصد وعيون التجافي "حول"مهما اكرمت=تشوف المجتهد كسلان والبناي هدامي
مادام ان جانبي شام لجنابك وانت عني شمت=كثر خيرك وانا لاني بلا جايع ولا ظامي
اشوف انه علي واجب ليا مريتكم سلمت=مرور اكرام تربطها الكرامه عند الاكرامي
على شان الخفوق اللي على عرشه قعدت وقمت=وحجب عنك الدجا لين اشرقت لك بيض الايامي
ختام السالفه ياطيب العشره كرمت ودمت=هذا حقك علي وحق هقواتي على اوهامي
مصير الوقت يشرح لك دروسه وان غفلت ونمت=يصحيك الزمان اللي يصحي كل من نامي
تذكرني لامنها خابت اوهامك بمن وهمت=وعرفت الفرق في حب الخشوم وحب الاقدامي
سعد بن جدلان
ولك تقديري