[الجنازه]

المشاركة الأصلية كتبت بواسطة صالح الشمري

راكب فوق حر يذعـره ظلـه ////// مثل طير كفخ من كف قضابـه

ماحلا فزته والخـرج زاه لـه ///// والميارك علي متنه تثني بـه

من سكاكا ترحل واترك الذلـه //// واحذر الخوف هاجوسك تهنا به

سر لشمر وخبر لابتـي كلـه ////// لابتي بالملاقا حي مـن لابـه

الف شكر يا صالح على ذكر ملحمه من ملاحم قبيلة شمر الكثيره والتي أنهزم بها الاعداء شر هزيمه
والقصيده التي ارسلها العوني لشيوخ ومشاهير قبيلة شمر اكبر من اللي ذكرته بكثير
يقول العوني على لسان الامير سعود بن رشيد : -

راكب فـوق حـر يذعـره ظلـه=مثل طير كفخ مـن كـف قضابـه
ياما حلا فرتـه والخـرج زاه لـه=والميارك علـى متنـه تنثنـي بـه

من "سكاكا" ترحل واتـرك الذلـه=واحذر الخوف هاجوسك تهنى بـه

سر لشمـر وخبـر لابتـي كلـه=لابتي بالملاقـا حـي مـن لا بـه

قل الوادى ابو عافـت بعـد قلـه=يانهـار علـى الجوبـه تحـلابـه

الدخان من فوقنا كن الدجـى ظلـه=والرويلي وابـن شعـلان وقرابـه

دريوا انـا قليـل وادركـوا خلـه=وارتكينـا بـعـون الله وحجـابـه

ما نعرف الضحى من كثر خلق الله=وين شمر هـل العـادات والجابـه

وين مطنـي وعبـاس وربـع لـه=ويهـا كربـة لـوان لهـا لا بـه

وين هابس وبرجس هم وربـع لـه=وين عبده إلـى ماحـل ضبضابـه

وانخ راعي المليحا لا تساهـل لـه=وانخ شمر وعظ الصوت يدري بـه

وانخ فهران اخو رفعه ورمح لـه=لا التقـى بالملاقـا كـف قضابـه

وانخ ضاري والاسلم قل تجي كلـه=واخو صلفه إلى ما انه كلـخ نابـه

وانخ أخو شاهه المنصور وافطن له=وانخ مطلق مع التومـان بالجابـه

وانخ سنجار وقاسـم ساتـر الخلـه=وانخ غضبان أبو علوش واقرابـه

وانخ عدوان ابو مدوح وربـع لـه=يرفع الصـوت للفلحـان بالجابـه

وانخ فهاد وبايق هـم وربـع لـه=وانخ شيبـان شمـر وانـخ شبابـه

وانخ مياح واهـل الديـن والملـه=وانخ الإخوان عز الديـن وحجابـه

وعندما سمع شيوخ وابناء شمر جميعهم هذه الابيات وصلوا جميعهم لأرض المعركه
وهزموا ابن شعلان ومن معه من قبائل كثيره هزيمه قاسيه وموجعه
وتوجد قصائد كثيره للعوني يتحدث بها عن هزيمة الروله
سوف نحاول ذكرهاا بإذن الله في الايام القادمه
خالص تحياتي لك يالعزوه
لاعدمناااكم