|
مقتطفات شعرية
هذه المقتطفات الشعرية لبعض الشعراء المتميزين وارجو ان تحوز على اعجابكم
1
- يابوعيون هدبها سود // لا تذبح الناس بعيونك
تذبح بنجل وبيض خدود // عجزت أوصّفك وش لونك
للشاعر عبدالله التميمي
======
2
- لا تقولون مجنون يا عرب // راعي الحب يا ناس ذا لونه
يابس الكبد عطشان ما شرب // كود اهل داعج العين يسقونه
للشاعر دبيان السبيعي
======3
- ذبحني صخيف العمر // وانا بعد حالي رقاقه
لها ريق احلى من التمر // اللي غموسه لبن ناقه
للشاعر / زيد بن غيام
=====
4
- من نشدني قلت ما نيب دعجاني // من يمش الوسم من خد المطيه
وان تردت فاطري والليل جاني // يا هلي حطوا على قبري بنيه
للشاعر غازي الدعجاني
=====
5- يا ليتني يا رشيد راعي ربابه // اجرها ليا ضاق صدري واغني
على وليف ساطيٍ بي صوابه // الله لا يجزيه بالخير مني
للشاعر محمد السياري
======
6
- يوم حظي جالس له بمجلسن // مهتني بوصال صافيه الجبين
عنجه العينين والخد الحسن // والقوام ان قام عود الياسمين
للشاعر/ محمد بن لعبون
======
7
- كن في عينه غروس الروايا // كاثر الما عليها فوق حيل سماني
وكن في عينه اليسرى جموع وسرايا // نهّضت بالبيارق وشافت الليل داني
للشاعر/ سالم الهيفي
======
8
- يا هل الهوى حذرا تمرون خطيان // الموت فيه مركزات خيامه
فيه المهار اللي بلا سرج وعنان // بنحورهن لاهل الموده علامه
للشاعر // ابراهيم بن مزيد
======
9
- ذايب الروح والجسم انبرا // من حبيب سلب عقلي هواه
اتلع الجيد والشعر اشقرا // من عظيم البها ربي عطاه
للشاعر / محمد السديري
======
10-
ولعتني بالهوى والحب ساره // ولعتني عن غنادير البنات
ما خبر جار يذبح بالحب جاره // بالمبيسم والثنايا المرهـفات
للشاعر/ ابن حصيص القحطاني
======
11
- كل السبب عين حوريه // اللي تصوب مراعيها
تحكي بلهجه سكاكيه // وتبدي ابتسامه وتخفيها
للشاعر/ جاسر الشراري
======
12-
ما يجيك مصيبه الا لها سبه // صابني غرو من البيض مربوع
صابني بالعين والخد واللبه // واشقر مثل الدبابيس منسوع
للشاعر/ لافي بن معلث
=======
تحيااااتي
الراااازي
__________________
يا ليتني يا رشيد راعي ربابه
---------- أجرها ليا ضاق صدري وأغني
على وليف ساطين بي صوابه
---------- الله لا يجــزيــــه بالخيــر مني
|