[سياتل]

الاخوه شدو مان , السفراني , كوول , و الضاوي
الاخوات عزوف وبنت راكان
حياكم الله ومشكورين على ابداء رئيكم في الموضوع

وخلوني اوضح نقطه.
النقاش ماهو على حلال المره ولكن على مد يد العون لزوجها اذا كانت موظفه
وهذه هي المشكله المتواجده والمطروحه للنقاش.

والحين اسمحولي اطرح راي في الموضوع.

1- المراه من حقها العمل مادام انه مافيه اختلاط.

2- الزوج مسؤل من زوجته , سواء موظفه ام لا.

3- المراه المضبوطه و بنت الرجال تعرف شنو حال زوجها وشنو وضعه المادي,واللي عارفه ان الزوج وضعه المادي موب ذاك الزود وتطنش فهذي موب كفو انها تكون زوجه.

4- الرجل ميسور الحال المفروض ان زوجته ما تحتاج لمعاشها ويكون راتبها مجرد للمصروفات النثريه (لبسها وخرابيطها)

والحين خلوني اتطرق لكيفية مساعدت الزوجه لزوجها:

تكفيه جزء او كامل مصا ريف البيت (على حسب للوضع)
تخفف عليه من الطلبات الثانويه(خدامه , سايق , سوبر جديد للمكاشيت)

بعدين لازم نذكر نقطه مهمه جدا....
الحياة للزوجيه المفروض تكون مبنيه على اساس من المحبه و الالفه والمفروض ان المواضيع الماديه ماتكون عائق بين الازواج و سعادتهم.

اخر شي ودي اضيفه ان كل واحد شارك في الموضوع ابدى رايه في الموضوع ابدى رايه الشخصي وعن صفاء نيه والاختلاف بالراي ما يفسد للود قضيه.
ولكل اسره ظروفهاالخاصه ومستحيل ان نقدر نجد قوانين او شروط تناسب جميع الحالات.