موضوع حيوي ومهم يا سياتل مشكور على طرحه وبالفعل يستحق المناقشه 
لان وبكل صراحه هالموضوع سبب كل المشاكل اللي تحصل للبنات((ماجربت )) لكن انا اشوف الناس اللي حولي .. اصبحت الماده سبب رئيسي للطلاق !!!
المعروف ان الزواج يقرب الطرفين هذا اللي سمعنا !! وانذكر بالقرآن الكريم ... لكن وولاسف الزواج اصبح انانيه وحقد !!!
والله ان اكثر المتزوجات يتذمرن من حب الزوج لمعاشها تقول لا قرب المعاش صار طيب وحبوب ورومانسي وانتي الغاليه وانتي الشيخه ولا خذا اللي يبي طنشها !!!
في بعض اشباه الرجال ما يحط في بيته ربع دينار !! واذا تجرأت المره واطلبت قال انتي وين تودين معاشج !!
بصراحه بصراحه مع احترامي للجميع ... الطيب في هالزمن ..الطيب !! اللي يخلي معاش المره لها وما ياخذ منه شي هذا اطيبهم !!!!!
لان بصراحه انا مذهوله لما شفت ان كذا وحده كرت البنك الخاص فيها معاه !!!
والله لو اني من هالحريم لاقدم استقالتي واقعد في البيت ان جانه رجال وطيب بيصرف على وبرتاح وان جانه ردي قعدتي في بيت ابوي اشرف الف مره من مقابل ردي !!
الموت يا اخوان ان الرجال لما يخطب يسأل جم معاشها ويفضلها مدرسه علشان معاشات الصيف !!!!!! اصلا المفروض البنت ترفض الشخص اللي هذي شروطه لان اللي هذا اوله ينعاف تاليه !!!
اخوي سياتل اعلم اني ابتعدت قليلا عن موضوعك لكن في البال هذه مقدمه طويله حيل لكن الرد على سؤالك هو
مـافيها شي
عادي اذا احتاج الرجال لازم توقف معاه زوجته وتعطيه اذا كان عندها بدل ما يروح يعرض وجهه لفلان وعلان !!!
لكن اذا كان الرجال طيــــب ما هو ردي !!! وقايم بحق اهله وبيته
اما بخصوص الكلام اللي قاله الاخ shadow-man ان على المرأه الجلوس في البيت وعدم الذهاب للعمل معاك حق لكن نظرا لظروف الحياه واحتياج المجتمع لعمل المرأه فهي مدرسه ودكتوره وغيره وغيره ......
مافيها شي لا صار الزوجين قلوبهم على بعض وبنوا مستقبلهم ومستقبل عيالهم !! لكن طبيعة بعض الرجال غدار ممكن يقلب على المره باي لحظه لذلك تكون المساعده بحدود المعقول بحيث ان الرجل لا يعتمد على المرأه .
اسفه على الاطاله لكن الموضوع يستحق المناقشه