[مناحي الصميل]

وانا عندي شرح بسيط عن الكبريتر الهولي :
السؤال / شنو هو الكربريتر هولي ؟؟ وشنو وظيفته؟؟ وكم حصان تقريبا يزيد؟؟

الجــواب /

الكربيتر شغلته الاساسية يخلط كمية الهوا المطلوبة مع كمية البترول عشان المكينة تشتغل عدل ويزيد معدل الاحتراق اذا زادت كمية البترول عن الهوا الموتر بيغرق وبيتم يبر بر ويقطع اذا نقصت كمية الهوا عن البترول الموتر اشتغاله بيكون غير طبيعي وبتحس ان المشي راجع لورا والموتر شي يمسكه والمكينة تتاثر مع الوقت . وعشان كذا لازم يكون الكبربيتر مناسب لمكينتك ويكون موازن عدل على المكينة وشغال عليها صح . وفي منه احجام عندك ال650 وعندك ال850 وعندك ال1100 وفي سنقل بمب ودبل بمب من الناحية العملية واحد من الربع جرب السنقل بمب 450 زين وشغله فوق التمام وما يبهذلك كل اسبوع تشيك على الكبربيتر اما الدبل بمب ما ينفع للاستعمال اليومي يعني يغرق مع الوقت ويبيلك تشيك عليه كل فترة وفترة . والسموحة