[ماتنحني هامتي]

تحياتي ياخوالي وارفعلك القبعه اجلالا واكباراّ لك (يالنجدي)
ولافض فوك،،،نقاش جميل ورائع وانما يدل على طهر معدنك

يامطير والله انكم قبيله عزيزه على قلبي وناس طيبين المعشر وكلامي تره هذا نقطه ببحر ولا يزود بحركم شي انا من صرت وجيرانا مطران ورجاال لهم قدرهم بين جماعتهم
وسالتهم عن هالسالفه وردو وروولي هالسالفه حرفيا ومثل ماقاله اخونا الكاتب

انا مع اخووي النجدي بكلامي انتم يضيع اللي يناقشكم

مثل ماقال عمر بن الخطاب-رضي الله عنه (ان جادلني مئه عالم لغلبتهم وان جادلني جاهل غلبني)
انت عقلك متسمم وللاسف مثل ماقلت والصراحه في مثال ضحكت شلون فسرته

قاعد اقوولك (انتو اجليتو عنزه ،،، واسقطتو دولة ابن عريعر ،،، وفتحتو حايل...الخ)
وكانك مصدق مثل هالتخرصات هذي والاكاذيب وابي افندلك هالمواضيع الثلاثه كمثال على الادعاءات الباطله

اولاّّ

تعال ابي اسالك انتم تدعون اجليتوا عنزه بعد مناخ كير العظيم ؟
اول شي لا هو مناخ ولاقاله الله،،،هو معركه كر وفر ومنصور ومهزوم يا اخي العزيز اطراف المعركه كان بن هذال والجبل والسلقا والطرف الثاني الدهامشه وفزعو معاه مطير

لاسباب ماراح اذكرها لانها تخص قبيلتي ومايهم احد منها شي
وصارت بين هالاطراف كذا معركه اللي حدت الدهامشه من العمارات انهم طلبو مساعدة مطير يعني مطير (طرف مساعد) ولا لهم لا ناقه بهالحرب ولاجمل الا انهم يتخلصون من جديع وهذي بعيده ومعروف منهو جديع وثانيا الغنايم وثالثا ان الدهامشه طلبو حليف يكون ضد عنزه

يعني ببساطه (عدو عدوي صديقي) وانتصرو الدهامشه ومعاهم مطير
يعني الحين انت تبي تقنعني وبالمنطق والرجال تاخذ بالمنطق اجليتو الجبل والسلقا بعد هالمعركه
؟ يالله ابي اسايرك بهالنقطه ،،،زين الدهامشه وباقي الفخوذ من عنزه متى اجليتوهم وباي معركه؟
وانتتو تقولون بعد هالمعركه اجليتو عنزه عن بكرة ابيها اللي توفى فيها الشيخ جديع بن هذال
شلون وهجرت عنزه ماصارت الا بعهد مشعان والحميدي الهذال ؟
والمعروف ورد للتاريخ ان معركة كير اختلفو فيها المؤرخين مابين (1193-1195) وهجرة العمارات كانت سنة( 1235هـ)

ثانياّ

:
ابن عريعر اول ماتضعضع حكمه بمعركة الرضيمه وهذي المعركه كانت بين ابن عريعر وحلفاؤه اللي هم سبيع وقله من عنزه والطرف الثاني العجمان وحلفاؤهم(الدواسر ومطير والسهول)
ودارت هالمعركه مابين شهرين الى اربعة شهور ومارجحت كفة المعركه لحد وكثر القتل بين الطرفين واهني تاكدوا العجمان مايربحون المعركه الا يفزعون ابناء عمهم اللي هم قبيلة يام وفعلا انتصرو بهالمعركه

انتو بهالمعركه حطيتو انفسكم انتو الطرف الرئيسي وحطيتو راسكم براس ابن عريعر ونسفتو دور كل هالقبايل وجيرتو النصر لانفسكم وظلمتو غيركم لا وكبرتو هالفزعه هذي انكم اسقطتو دولة ابن عريعر نعم ابن عريعر واحد من اسباب سقوط دولته معركة الرضيمه اللي تنسب بالاساس للعجمان لانهم سبب المعركه وثاانيا لمطير والدواسر والسهول وليام على حد سواء وتعال الدويش هل فزعو لابن عريعر لسواد عيونه قبل انه يدخل هالمعركه على شروط وانت عارفه والكل عارفه ماله داعي نكرر
وكذالك الدواسر

وثالثاّ:

اسقاط حايل،،،والله يالمطيري من وانا صغير وشيبانا واللي انعرفه ابن رشيد ماطاحت دولته الا بسبب الحقد والحسد بين عيال العمومه والاخو يذبح اخوه والعم يذبح ولد اخوه،،،يالمطيري انتم اللي اسقطتو حايل وشمر اللي اجتمعت عليها كل القبايل وهزمتهم بالصريف،،،حايل سلمت تسليم

ولا صار من اللي تقولونه

ويالنجدي تره نشره عليك وانا من اشد المعجبين بكتاباتك ولا تحرمنا من كيبوردك الكريم

ودمتـــم ســـــالميـن،،،