[المنصف]

ما شاء الله فعلا تواجد00 وكثرة عدد

انت تقول
(لدرجة أن التاريخ بعضه وارد ألفين ؟؟؟ طلع فجأة من غير سابق إنذار, ووثقوه الشباب ماقصروا .)

انا مابي استهزأ مثلك لاني ما تعودت على السخرية بالناس وكلن وطبعه والا اقدر اقول نفس

الكلمة عنكم وما هوذنب مطير ان حضرة جنابك توه جاء لهالديار وما سمع بكل افعال اهل نجد

سواء مطير اوغيرها من قبائل نجد حتى تشعد لنا

وتقول(وحكم تجربتي الفاشلة مع المطران لايقتنعون أبدا ً مهما آتيتهم بحجج ودلائل )

وانا ما ادري عن تجربتك،، لكن الاكيد انكم بلا اي مسوغ في احداث عديدة تنسفون الحجج

والدلائل ،، فالمؤرخين مثلا تكلموا عن اخراج مطير لكم من نجد وذكروا المعارك والتواريخ

وهم حضر لا تربطهم اي علاقة بمطير ومع ذلك تحاولون تقنعون الناس بنقيض الواقع وكأنكم

القبيلة التي لاتهزم ابداااااااااااااااا

قليلا من الهدوء ،، ترى الدنيا دول ,, والناس ما هم على حال واحد ،، وافضل الناس واشجعهم

على مر عصور الجاهلية والاسلام تلقاه انهزم مرات،،

وانا ترى لا سبيت عنزة ولا سبيت ملحان !!!!

ولو تسبون مطير ما راح اسب عنزة ،، ومن يقول انكم عنوز اصلا !!

يمكنكم ناس تحاولون جر غيركم لسب عنزة باسلوب او بآخر ،، اشباح في نت

كل اللي قلته ان القصة فيها مبالغة في الوصف,,

والاخ اللي يقول(انتو اللي اسقطتو دولة ابن عريعر

وانتو اللي طردتو عنزه من نجد

وانتو اللي اسقطتو حايل

وانتو اللي فتحتو المدينه

وانتو اللي طردتو العوازم بمعركة النقير

وانتو اللي نشرتو الدين الاسلامي او على كلامكم هديتو الناس

وانتو اهل المعجزات الثلاث

وانتو......وانتو.......وانتو ،،،الخ)

والله يامطير خذيتو الطيب كله مابقى لخلق الله شي

اشكرك على الاطراء وتعديد بعض فعولنا لكن تراك اخطيت،، الطيب مقسم بين الناس ما بس

حنا كلن حقه فيه وهذه الفعول بعض الطيب والا لوانك تقرا تاريخ القبائل في نجد والعراق

وسوريا والاردن تشوف افعال الناس الكثيرة جدا


اما ابن سعود فهو من حنيفة وليس عنزي وللامير سلمان قالها بنفسه في المئوية

واما ابن صباح والخليفة فهم من تغلب ، وليسوا من عنزة

وعنزة ما تحتاج اضافة حكام غصب لها,, جب لي نصف بيت شعر من دعوة الشيخ محمد بن

عبدالوهاب الى دخول ابن سعود الرياض قال حاكم واحد سعودي انه عنزي!!

وجب لي نص واحد قديم ان الصباح عنزة!! الصباح تغلبيين دواسر وعزوتهم التغلبي

وانصحك تراجع كتاب الاسر الحاكمة في الخليج للظاهري

ثم تقول(واذا تبي شعرا وادباء هم حاضرين ويكفي وهذا اللي افتخر فيه فعلا امام المسلمين السديس من حاضره عنزه بالقصيم)

وهل انا قلت ما فيكم ادباء او شعراء او غيره؟؟!! ما قلته ابدا

ثم تقول عن عبدالعزيز الدويش( وراح يجر اذيال الهزيمه) هل تشعر بالانتشاء والوناسة اذا

سبيت الشيوخ والاجاويد؟؟!!!! نسال الله العافية,, هل تظن اسفافك في الكلام ينزل من قدر

الدويش؟؟!!! العتب ما هو عليك العتب على اصحاب المنتدى

اقدر اسوي سواتك،، بس ماهو انا اللي أألف واسب ,, اجيب كلام المؤرخين والعلماء بمثل

كلمتك واحطه ولا علي لوم لانه ما هو كلامي ولا كلام مطيري

واذا فتحتك هالباب ترى ما هو بصالحكم،، وشرايك ابي اجيب كلام بس عن الصقور هالحين:

يقول نقاد بن زبدان من الصقور من عنزة (وفي أثناء مناخنا مع الدويش يوم الرضيمة ، يوم

قتل حباب بن قحيصان هربنا وتركنا المهرة في المراح) ، كتاب أصول الخيل الحديثة للجاسر

صفحة 306
ويقول أبن بشر في أحداث عام 1244 هجري في غزوة الامام تركي على الصقور - ما يهمنا

هنا عن هروب الصقور أنه أغارعلى عربان الصقور من عنزة وهم على ماء قرب الدهناء

فأنذروا وهربوا ، فرجع قافلا .

هاه تبينا نكمل,, ترى مثل هالكلام نقراه من مؤلفين قدماء ومحايدين وعلى لسان نقاد وغيره

وما جبناه لانا ما عندنا ( فلوبيا عنزة) مثل ما عند البعض( فلوبيا مطير)