ياهجوس اليل
ياهجوس اليل لاتمسين دام النار حيه=سامريها لو يطول اليل وضلوعي حطبها
الخوي معروف بشدات ماينسى خويه=كون منهو لدقايق والثواني قد حسبها
والله انه مايكيف راسي الا الشاذليه=والمراجل فيه منهو لاخسرها ماكسبها
والله اني من عرفت العلم والذمه بريه=لو عيوني من دموعي سابح فيها هدبها
والسوالف يامسولف ماتنزل مقدريه=والقصايد ربي الي في وصط روحي وهبها
القصايد هي دوى من كانت جروحه خفيه=من غصبها ماطاوع واحد مثلك غصبها
وهي اقلادت بنت شيخ جاتني منها هديه=والله اني كنت داري قبل ياصلني تعبها
وقبل لاتعشق عشقها شاعر كله حميه=شاعر كل الجروح الي بقلبه من سببها
علمتني كيف الطيق الصبر والخيره خفيه=والتحمل كل شين ياتي بسبت غضبها
وعلمتني كيف اشوف انجوم ليلي بضحويه=ويوم حسيت ابدفاها اشعلت نار لهبها
وسط جوف الي تولع في هوى حب البدويه=جل منهو في عروق القلب وبدمي سكبها
عايشه في نجد تفخر في هوى نجد العذيه=والخزاما من نسمها غايره تبغي حجبها
كنها وضحى تقود الورد ماعطيت عطيه=دللوها خوان صيته يوم مرثهم كسبها
في عيوني من ثمان سنين وعيوني شقيه=ولو يطول الوقت تبقى في عيوني ماسلبها
ماحسبت الغيرها دام انها اغلا هالبريه=ولاذكرت انها تبيني زاد في روحي طربها
وهي خطيه في حياتي بس هي اجمل خطيه=مهرتن خيالها سلطان يفخر في نسبها
وتفتخر في فعل ابوها والجدود الا وليه=تبتدي ماتنتهي ينتهي منهو قربها
وقبل لاتعشق عشقها شاعر كل حميه=شاعر كل الجروح الي بقلبه من سببها
اخوكم الصغير
سلطان