[الفتى المعيضي]

الشمري والله انك ضايع ومسكين وقليل فهم على كثر ماقرى سوالف عنزه وشمر بغض النظر عن كتاب السديري ترى كتاب السديري فيه بعد غلط واجد لاكن سوالف الرفدي والرشيد بالذات في كتاب السديري صح ومؤكده حتى من شيبان من شمر

وارجو من الاخوان الي عندهم ان كتاب السديري كله صح يتئكدون من شيبانهم من الامور الي انا عرفت انها غلط في كتابه الله يرحمه قصيدة ابا الشيوخ خلف الاذن وهي ومطلعها

ياراكبين اكوار حلين عراميس

القصيده هذي مهيب من قصيد خلف وهي لبن عمه بن مهلهل الشعلان والظاهر اسمه معهبل

وكان يخاطب الهبداني وهو مؤسور عند الروله ومن ضمن القصيد الموجه للهبداني

ضاعت علومك يالهبيدي بسابيس000تكفخ بقيعان الشجر تقل بومي

كيف الوهم يرمي عرود القرانيس000مابه صواب وعاجزن لايقومي

عاقوه ربعن يبعدون المراويس000اهل المهار منزحين الخصومي

ورد عليه الهبداني بقصيده اعرف منها

هذى تقنطر والسبايا مراويس000بمزارق العيدان مافيه لومي

وايضا القصيده الي انتسبت في كتاب السديري وقال انها من قصيد سعدون العواجي وهي

ياراكب الي مالهجها الجنينا000ماهي وحدها ثامنه له ثمانا

وهي بالاصل حقة اخو سعدون عم عقاب

ولاكن هذى مايمنع من قولة الله يجزاه خير وعزالله ماقصر وانه اجتهد لاكن الكل يغلط والله يرحمه ويرحم اموات المسلمين واحيائهم اجمعين