يالله ياللي عالم بكل الاحوال
ياللي عليك الامر والاتكالي
ياجاعل في الارض نازل ورحال
فضلك ومنك يا مجيب السؤالي
ومن عقب هذا ياراكب فوق مشوال
حمر عليها من قروم العيالي
لاجت مع فج من الارض تختال
صورة طبيعية ومنظر خيالي
تنصى من قروم الرياجيل رجال
كريم سبلا في الليالي الهزالي
اللي ليا منه عليك الدهر مال
يفزع ويشتال الحمول الثقالي
بندر بن خالد طيب الفال
معرب مابين عم وخالي
ابن الكريم اللي غدا مضرب امثال
وكره تعدا الشامخات الطوالي
حر مواكيره على رؤس الجبال
صيده من اعراض الثنادي جزالي
ابشر لامن جيته بدله وفنجال
وسوالف تطرب عليها الرجالي
عز الله انه للمواجيب مدهال
وضله يضلل من يدور اضلالي
وصلى الله وسلم على محمد وآل
بيته وصحبه في نهايته مجالي