من المواقف الي الطريفة الي صارت لي
أمس بنت أخوي أنخطبت
وجوا أم المعرس وأخواته وخالته
عشان يشوفون العروس
أتصلت فيني جازه وقالت عمتي نوره ماراح تجين
قلت لها والله أني منسدحه ولا لي شده على القعده
والسوالف حاولت فيني الين ما وافقت لها
قمت سبحت ولبست ثوب عادي
وشوية كحل وجلوس خفيف
ورحت البيت الثاني
وانا داخله عليهم أسلم
أشوفهم يسللمون علي بطريقه ثانيه وكأنهم يعرفوني من زمان
ويناظرون فيني ,,.
بنت أخوي منتظرتني أروح لها ما بعد نزلت لهم
وأنا قاعده مبسطه مع الحريم
وتجي عجيزهم وتقعد جنبي وتحط يدها على شعري
وتقول ماشاء الله توفق ولدي وعاينا له عروس
الي تسر خاطره
انا ما دققت على كلمتها في البداية
سكت شوي وقلت لها وش تقولين
قالت طلعتي بنفس المواصفات الي يبيها ولدي
بققت عيوني وقمت وشديت على ثوبي وقلت لها
والي في بطني ما شفتيه ياخاله والله لو تشوفون
أنواع الأحراج صار لهم
قامت خالتي مرت أبوي
ترقع وتقول هاذي عمتها
توها معرسه
وجازي تشبه عمتها ما تختلف عنها
قمنا نضحك من الموقف ..
بس الحمد لله نزلت جازي وشافوها
وجازت لهم والله يوفقهم يارب