[الشاعر ويكيليكس]

قرود الساحه الشعبيه
رابط القصيده في جريدة سبر
http://www.sabr.cc/inner.aspx?id=26348

كل قردٍ يا قرود الساحه الشعبيه=لو ملا التفاّح في يمناه قبل إيساره
لا لفانا ما لبس غتره ولا طاقيه=ياخذ إطراق ونترجم خطته وأفكاره
كيف منهو يحتمي للثوره السوريه=يستضيف اللي مع بشار يضرب طاره
إخس يا سقراط تبغى دولةٍ فكريه=تصنع الايفون والتلفاز والطياره
التناقض زاد كل أمراضك النفسيه=لين سلمّت العقيد شهاب باب الحاره
والعقيد إشهاب لا هذي ولا هذيّه=لو عصب راسه وتابعنا جميع أدواره
بالمسلسل ينصر الثوار بالجنبيه=ويوم ثار الشام ،، همّل شامه وثواره
إضبط الدور البوليسي بين هاي وهيه=وإفتل الشارب وهورّها على الهواره
مسرح الفنطاس ولا مسرح الشاميه=إسدلوّ بإسم الرذيله والنفاق إستاره
وإطربوا لإبليس لا غنا لكم غنيّه =وإستميلوا كل ما زمر على مزماره
وإجلسوا ما بين علماني وعلمانيه=وإفتحوا باب النقاش،،وناقشوا تجّاره
كل تاجر يعرض أفكاره على ربيه=والخبل يشري من أفكاره ،. ويقدح ناره
الخبل منهو يقول السوره المكيه،،=والمدَنيه،، دليل إنها حسب تيّاره
والله إني من طهارتهم غسلت إيديه=يوم جابوا من يقول اللؤلؤه دواره