[عيون الطنايا]

يا اللي غيابك طال و بحقي أخطيت
هذا شهر .. ماشوف للوصل نيّة !

هم كانوا أسبوعين .. [ لكن تماديت
في غيبتك ] .. كنّك موصّى وصيّة !

لعبت بأعصابي و لا قلت " مليت !"
لا راح يوم .. أقول : " باكر مجيّه "

الله !! .. ياني في غيابك تحريت
أثر الـمفارق صعب ما هو شويه

عقبك مشاويري من البيت للبيت
أخاف لا دقيت [ ماني هنيّه ]

عانيت أنا في غيبتك حيل عانيت !!
يا بغضني للبعد .. لارحم حيّه !!

هذا شهر .. وش عاد لو أنك أبطيت ؟!
والله .. لتلقا لك هنيّه [ ضحيّة ] !!

البارحة .. ما بين ( يمكن / و ياليت )
و أبليس يتركني .. و يرجع عليّه

فكّرت .. لو طوّل غيابك و لا جيت ..
يعني كذا روحه و من غير جيّه ؟!؟!

خانتني الدمعة / و طاحت / و صدّيت
ملعون أبو التفكير .. يذبح خويّه


مما راق لي ..