[هند]

السلام عليكم

أبيات قرأتها في أحد المنتديات للشاعر { رشــيـد الـدهــام }
عجبتني ، فأتيت بها وأتمنى أن تعجبكم ..

رح فمـان الله .. والذمـه من الذمه بـريـّـه=لاتخاف من المفارق ..رح عليك الله وأمـانه
رح بعيد أبعد.. من الدمعه على العين الخـلـيّه = رح بعيد أبعد .. من الشرهه على مزح الميانه
وأبعد من الحلـم .. للي خاب ظنه في خويـّـه =وأبعد من الياس.. للي طاب حظه في زمـانه
لو تروح أبعد.. من حدود السما والجاذبيّه=والله ان تبقى قريب .. اقرب من القلب لحنانه
تنتشر فيني شتات جـروح .. مثل الروح حيــّـه=تختفي في كل عرق .!! ولا فقدتك قال عــانـه
يابعد عذر الفراق ..اللي قبل فرقا الخطيّه=يابعد ذنب الزمـان ..اللي قبل عذر الخيانه
ليلة وداعك على كثر الحروف الأبجديـّه =مالقى من ودعك حرفين..ينطقها لسانه
ليلةِ فيها انت ما كنت انت ..هي ماهيب هيـّه=ليلةِ يكرم بها من حبها ..قبل امتحانه
قلت لي: بانســاك !! قلت: الله يهنيك وهنـيـّه =واحد(ن) خلاك من رباك تنساني عشانه
قلت لي : قلبك لاينسى .. قلت : ليت القلب فيـّـه =دوره واليا لقيته ..وصـّــه ..وردّه مكـانه
وصّ نفسك .. والا أنا ماني في حاجة وصيـّـه=واعتبر فرقاك امانه .. والله الله بالامااانه

الســـؤدد