،
عتبك مامرّ في سمعي مرور الكرام
........... عاتبتني والعتب .. دليل نبض الغلا
كلام قلبك وصلني قبل نطق الكلام
........... هذا هو الحـب والا يا حبيبي / فلا
ادري على كل كلمه قلتها .. ما تلام
..... يحق لك تحسب ان القلب عنّك ( سلا )
لكن ورب ٍكسانا اللحم فوق العظام
............. مازلت اعدّك الين اليوم غير الملا
اغيب لـ اجل احفظك حب وغلا وإحترام
........ لا ما نقضت العهود ولا نسيت الولا !
معقول ابنسى معك عِشرة ثلاثة عوَام
.. وشلون ؟ واسمك على عرش الخفوق اعتلا
جيّـتك بعد البطا تحيي عروق الغرام
........... الشاهد الله شعرت ان الظلام إنجلا
حييت في خافقٍ لك في ضلوعه مقام
............ نبضـه يردد هلابك / ياهلا / ياهلا