هذا طبعي وانتهاجي
حتى لو قلبي يناجي
يوم افوتها حبيبي
لك افوتها بمزاجي
انا من طيبي وذوقي
لك اوضح كثر شوقي
بس لو تجرح خفوقي
عندي لجروحي علاجي
قلبي ماينكر وجودك
مانقض مره عهودك
وانت تتعدى حدودك
تفتكرني فيك لاجي
لاتمادي في دلالك
او علي تشوف حالك
عايش في دنيا خيالك
للأسف في برج عاجي
لاتفكرها شطاره
لمّا تسقيني المراره
ترمي الناس بحجاره
وانت في بيت زجاجي
لاتكلم عن غرورك
او في عمري وشهو دورك
خلني مقدر شعورك
لاتعكرلي مزاجي