الليل شاب وبين الصبح نـــوره *** وأنا عيوني ساهره عافت النــوم
أبكي وليف(ن) شط عنه بـــدوره *** غاب وتركني بين لوعات وهمـــوم
سهر عيوني وراح يبني ســـروره *** يضحك لا شافني حزين(ن) ومضيـــوم
خلي تكبر والسبايب غـــــروره *** أنا أشهد إنه ميت الحس معــدوم
باهي عنيد الراي في بعض أموره *** وبحاجبه موت المحبين مرســــوم
حطم فؤادي مادرى عن شعــــوره *** وضح العزى عنده مراسيم وهــدوم
لا جيت أحدد موعد(ن) لجل أزوره *** ثار وزعل والعذر به غير مـلزوم
غلطان يالي صرت خلي تــــزوره *** غلطان لا تحكم بشي(ن) جرى اليوم
الحب بالتقدير تنمى زهــــوره *** يرضى ولا يسمع به العذل واللـوم