الشاعر : هاني الحارثي
إلى غالي ... يغيب تاره .. ويحضر تاره ..
فجاة بدون اشعور عني تخليت********************
********************خليت قلبي من سبايبك حاير
واليوم دون اشعور للقلب رديت********************
********************وتقول ش اللي عقب فرقاي صاير
ياقو قلبك كيف عن خلك اقفيت********************
********************ماتدري ان الهجر ذنب وكباير
مايغفر التبرير مافيه سويت********************
********************والقرب ماعوض كثير الخساير
لوﻻي وافي كان حبك تناسيت********************
********************واجور وانت اللي معي كنت جاير
بلواي من عهد الوفاء ماتبريت********************
********************اوفي واﻻ اشكي ماتكن السراير
ﻻتحسب إنك كل ماغبت وابطيت********************
********************لقياك فرحه والمعانق بشاير
معذور بالغيبه ومعذور ﻻجيت********************
********************ماني من الفرحه ليا جيت طاير
حلمي معك ماهو على ماتمنيت********************
********************حلم ابتداء بي وانتهى جرح غاير
فيض المشاعر يوم سقته تغليت********************
********************لين انتهى حب احتوته الضماير