شوفتك من عقب البطا تشرح الجاش
ياابو عيون ٍ سود عكش الرموشـي
....................والخد براق ٍ سمر يرهش ارهـاش
والوجه مثل البدر وافـي بشوشـي
..........................ياابـو ثنايـا كنهـا لولـو قمـاش
ياشبه ريم ٍ مـن خيالـه نحوشـي
................انا لشوفش يااريش العين معطـاش
بعدك برى حـال للقلبـي ينوشـي
.................والعين هلت صافي الدمـع بالكـاش
لاحول كن بالصدر مثـل الجيوشـي
....................كني مريض ٍ وعنا الحـال بنعـاش
مع صبور المـوت كنـي بهوشـي
.................حرٌم علي النوم والجفـن ماعـاش
لحضة كرى سهران لين الغبوشـي
...............حيل الله اقوى همي الحاف وفـراش
هم ٍ بناله داخـل الصـدر حوشـي
................فيامل قلب ٍ بالهواجيـس معتـاش
هايم وصوب الزين اقفت اطروشـي
.............وانساه لو لحضات مانساه يا الواش
ولاسم الحبيبٌ في فـوادي نقوشـي
................وماني لسدك يااريش العين فتـاش
ياابو رموش ٍ في طرفها عكوشـي