ياسعود يابن حود يامنبع الجود
الشعر جزله مايجي بالسهوله
وانته نظمت من اجزل الشعر منضود
بدر تربع بالجويا كموله
هل الغدر يجنونها حب هبود
في حق دين الله وسنة رسوله
مادري عنهم سادس ملوك ال سعود
يبون مدحه مار ماهم بحوله
فينا ورث حكمة سليمان داوود
يعرب تحت ظله بامان وسيوله
وخليجنا شعب وحكومات وجنود
لو ضاق فيهم واسع الكون جوله
ترى الردى مذموم والطيب محمود
وامانة ابن ادم عليه محموله
انا بوجودي مالشرواهم وجود
شعري ماجاني من طرفهم نحوله
اوضح من البراق واطهر من النود
وان ماخلَد بالذاكره ويش هوله
النقص للخايب وحنا لنا الزود
وقريش حتى المصطفى ماصفوله
يبون شاعر له نهيدات وجعود
مراهق توه بسن الطفوله
منطوقهم له مزهريات وورود
والازدرا للشاعر ابن الحموله
حالة تآمر بالعرب فكرة ايهود
اغتيل اخو هدلا عقب كااان دوله
وبالنار يشوى الصقر لين انه يجود
ويوسف شري في مصر بابخس عموله
جوج افتحوا باب قبل كان مسدود
واخلاقهم تقبع تقل نار كوله
مابمغزاهم لاغنيمه ولافود
ووحي السماء ماهو عليهم نزوله
لاجل شبابه خلهم قدر ياسعود
رماد نار نايشاتها اطلوله